[أبو أحمد.]

يا أخي ميدز 33 ،، تعالي نتححاور بالعقل و الثقافه كما تقول ،،،،، لو كنت معلم لكنت أول المضربين ،،،، لماذا

بالله عليك يا أخى كيف تستطيع ان تصرف على بيت مكون من فردين و طفل أو اثنين أو ثلاثه بمرتب 400 الى 500 جنيه بالكادر و بالبدل النقدي

فى حين انى اللى زيك ونفس المؤهل ( مؤهل عال ) فى وزارة الكهرباء أو البترول أو بنك أو وزارة العدل أو حتى البريد يأخذ أضعاف أضعافك و غيرها من الوزرارات و الأماكن

و كل الناس زادت و أخذت ال 200 % بدون اختبارات كادر أو غيره و المدرسين شاربين المر و الاهانه عشان ياخدوا الزياده

أسرة مكونة من ( أربع أو خمس أفراد ) كم تحتاج مبلغ شهري

( ايجار الشقه + مصاريف الطعام و الشراب + الدواء + مصاريف اولادك الدراسية + .. الخ من المصاريف الشخصيه )

كم ........ ؟ جاوبنى

و المعلمين منذ شهر 4 يطالبون و يتحدثون و يصرخون و لا مجيب لهم و لا محترم لشخصهم و لا مسمع لهم

فى حين انهم يرون كل من حولهم يزيدون فى رواتبهم الأضعاف المضاعفه و الاسعار زادت بشكل رهيب ولا أحد يسمعهم و كأنهم

ليسوا مواطنين مصريين أصحاب بيوت و رب أسره،،،، و قبل الاضرابات،،،، " قالوا ياجماعه اسمعونا احنا تعبنا مش قادرين على مصاريف المعيشه احنا بنتهان

الناس كلها زادت و احنا لأ ،،،، يا جماعه اسموعنا قبل بدء الدراسه و لا أحد يريد أن يسمعهم ــــ


أنت لو دقت اهانه و مرارة أنك تقعد على تخته تمتحن الكادر و عيل كنت بدرسله زمان بقى معيد فى الكليه يراقب عليك و يقولك بص قدامك

و لا تسقط بدون وجه حق و تحرم من درجه ماليه و ادبيه كنت عرفت

لو أنت معلم بجد كنت دوقت يعنى ايه عيالك عاوزين لبس و أكل و شرب أو حتى لا قدر الله دواء و مش عارف تصرف عليهم منين

يا أخى اتقوا الله فى المعلم الذي يحترم نفسه و لا يعطى دروس و يخاف على كرامته أن يعمل على تاكسي أو فى قهوة أو ،،،،،،

عشان يجيب دخل تانى يصرف على عياله و ذنبه انه معلم و عاوز يحافظ على كرامته من جاره اللى فى البريد و اللى فى البنك و اللى في وزراة العدل

ومش لاقى حتى ثن قميص جديد يشتريه لنفسه

و هما أول ما يشفوه يبصوله من تحت لفوق و كأنه زبال و ليس معلم صاحب رساله و بيت و اسره و عيال