[حريتي]

أعتقد أن قلب الحقائق موجودة في كلامك لأن المعلومات مغلوطة أنا مثلا في دراستي الجامعية كنت بدرس أدب انجليزي وكان فيه ماالله به عليم طبعا كان كل الأعمال بتتكلم عن الدين المسيحي والعلماني دة غير طبعا السرحيات الكلاسيك اللي كانت قبل الأديان ومع ذلك دة مش مشكلة لكن كان عندنا أعمال بها حاجات يندى الجبين من قراءتها واذكر تعليق احدى الزميلات (لو أهالينا يعرفوا اللي بندرسه كانوا قعدونا في البيت) مع أن دة كان من اختيار الأساتذة الدكاترة وكان ممكن يسيبوه ويختاروا غيره ومع ذلك لاعملنا مظاهرات ولا اعتصامات ولا أي حاجة لأن طبيعي بندرس أدب انجليزي يبقى هندرس تقافتهم بما فيها مرجعيتهم الدينية لكن لما الأمر ينعكس ويبقى مرجعية اللغة العربية القرآن نسمع المتفلسفينة (ليه؟)

المشاركة الأصلية كتبت بواسطة touty potter

ولا ماما امريكا ولا نيلة

الفكرة صحيحة مية في المية
يعني المفروض شوية صور بحجاب
وشوية صور تانية من غير حجاب
لأن اولا فيه مسلمات مش محجبات
ثانيا مراعاة لمشاعر الأخوة المسيحيين
مش كفاية انهم بيدرسوا قرآن واحاديث
في النصوص بتفسيرها ومعانيها ومواطن
الجمال اللي فيها والكلام ده كله؟
لو حد قالكم ادرسوا الانجيل واحفظوا منه
وافهموه رد فعلكم هيبقي ايه؟
اراهن انه هيبقي اعتراض وغضب ومش
بعيد تعملوا اعتصام وثورة كمان
وماتقولوش مصر دولة اسلامية
وشوية الكلام ده لأن مصر دولة مدنية
ولازم نعترف بوجود عناصر غير اسلامية
حتي ولو كانوا "قلة" زي مانتم معتبرينهم
ونحترمهم ونحترم مشاعرهم ووجودهم
نيجي لسنة تالتة ثانوي فيه أكتر
من درس قراءة بيتكلم علي الاسلام
وفتوحات الاسلام وعبقرية المسلمين
وحاجات كده وهي الدروس الاتية:
"قيم انسانية"
"العلم في الاسلام"
"القدس مدينة عربية اسلامية"
"الارقام العربية"
كده ما بقاش فاضل غير
"لمحات من حياة العقاد"
و
"اسلوب واسلوب"
يعني تلتين دروس القراءة
في سنة دراسية واحدة
وتاريخ ثانوية عامة
معظمه عن التاريخ الاسلامي والبطولات
الاسلامية والابطال المسلمين مع العلم
ان التاريخ القبطي كان مايكملش كام صفحة
هتقولولي اننا بنتكلم علي اعدادي
هقولكم كله منفد علي كله
وطريقة تفكيركم هي هي مش هيفرق
معاها اعدادي ولا ثانوي ولا حتي حضانة

ليه بتقلبوا كل حاجة بشكل ديني بحت
وتقولوا حرام واحذروا واعملوا
كفاية بقي الدنيا مش ناقصة

علي فكرة انا مسلمة ومحجبة
قولوا عليا علمانية بقي
قولوا بتنجانية انا مايهمنيش
انا بدافع عن الحق
مش بس حقي .. لأ حق غيري كمان

علي فكرة انا هطلب حذف الموضوع
لأنه هيعمل فتنة كبيرة ولأن ده مش مكان
لنقاش الكلام ده خالص .. ده منتدي تعليمي
مالهوش دعوة بالحوارات دي