بسم الله الرحمن الرحيم
السلام عليكم
اقتباس:
المشاركة الأصلية كتبت بواسطة Touty Potter
ولا ماما امريكا ولا نيلة
الفكرة صحيحة مية في المية
يعني المفروض شوية صور بحجاب
وشوية صور تانية من غير حجاب
لأن اولا فيه مسلمات مش محجبات
ثانيا مراعاة لمشاعر الأخوة المسيحيين
مش كفاية انهم بيدرسوا قرآن واحاديث
في النصوص بتفسيرها ومعانيها ومواطن
الجمال اللي فيها والكلام ده كله؟
لو حد قالكم ادرسوا الانجيل واحفظوا منه
وافهموه رد فعلكم هيبقي ايه؟
اراهن انه هيبقي اعتراض وغضب ومش
بعيد تعملوا اعتصام وثورة كمان
وماتقولوش مصر دولة اسلامية
وشوية الكلام ده لأن مصر دولة مدنية
ولازم نعترف بوجود عناصر غير اسلامية
حتي ولو كانوا "قلة" زي مانتم معتبرينهم
ونحترمهم ونحترم مشاعرهم ووجودهم
نيجي لسنة تالتة ثانوي فيه أكتر
من درس قراءة بيتكلم علي الاسلام
وفتوحات الاسلام وعبقرية المسلمين
وحاجات كده وهي الدروس الاتية:
"قيم انسانية"
"العلم في الاسلام"
"القدس مدينة عربية اسلامية"
"الارقام العربية"
كده ما بقاش فاضل غير
"لمحات من حياة العقاد"
و
"اسلوب واسلوب"
يعني تلتين دروس القراءة
في سنة دراسية واحدة
وتاريخ ثانوية عامة
معظمه عن التاريخ الاسلامي والبطولات
الاسلامية والابطال المسلمين مع العلم
ان التاريخ القبطي كان مايكملش كام صفحة
هتقولولي اننا بنتكلم علي اعدادي
هقولكم كله منفد علي كله
وطريقة تفكيركم هي هي مش هيفرق
معاها اعدادي ولا ثانوي ولا حتي حضانة
ليه بتقلبوا كل حاجة بشكل ديني بحت
وتقولوا حرام واحذروا واعملوا
كفاية بقي الدنيا مش ناقصة
علي فكرة انا مسلمة ومحجبة
قولوا عليا علمانية بقي
قولوا بتنجانية انا مايهمنيش
انا بدافع عن الحق
مش بس حقي .. لأ حق غيري كمان
علي فكرة انا هطلب حذف الموضوع
لأنه هيعمل فتنة كبيرة ولأن ده مش مكان
لنقاش الكلام ده خالص .. ده منتدي تعليمي
مالهوش دعوة بالحوارات دي
|
بالراحة حيلك حيلك انتى ليه حاطة ف بالك اننا هنهب ف وشك على اى كلمة
القرآن بيتدرس للمسيحيين لان العربى زى ما بيدرس شعر و نثر لازم يدرس القرآن لانه معجزة ادبية و غلب كل الشعراء على مر التاريخ
انما الانجيل هندرسه لمسلمين ليه ؟؟؟
المسيح كانت معجزته انه تحدى الطب وجاب معجزات تغلب الطب زى احياء الموتى و خلق من الطين كهئية الطير
معجزته ما كانتش ف الانجيل
الارقام العربية مش درس له علاقة بالاسلام ولكن له علاقة بالعروبة
هل المسيحى مش عربى ؟؟؟
وبعدين بالنسبة للتاريخ
التاريخ دة يعنى الحقايق الى حصلت
هل مندرسلوش الحقايق اللى حصلت ف بلده عشان هوة مسيحى ؟؟؟
وبعدين انا فاكرة كويس درس الحقبة القبطية
العصر القبطى ما كانش فيه احداث كتير اصلا كله عبارة عن ظلم واضطهاد واستشهاد و سخرة
ودة كله ورد ف الدرس
انما الحقبة الاسلامية كانت طويلة زمنية و فيها احداث كتير و متقسمة ف كل كتب ومراجع التاريخ ف العالم الى اكثر من حقبة لان كل حقبة ليها خصائصها
حقبة العباسيين وحقبة الامويين وحقبة الفاطميين وحقبة الخلفاء الراشدين
و عصر الاسلام كان عصر نهضة وازدهار وعلم و فن و ادب على عكس الحقبة القبطية اللى كانت مصر فيها مزرعة غلال للمحتل
عايزانا نحشر كل العصر الاسلامى دة ف صفحتين تلاتة ؟؟؟؟؟