[منار على]

[quote=صفاء الجمل;3975088]شكرا للناس المحترمة المؤدبة اللى ردت ردود مش محترمة ولا مؤدبة وعلى فكرة انتم بكدة تكونوا اثبتم انكم معلمين محترمين دارسين كويس اداب الحوار والاختلاف فى الراى وانا اسفة وفى قمة حزنى لانى كنت بحسب ان اخلاق كل المعلمين حسنة لكن للاسف مطلعتش كدة

انا مع حضرتك فى ان ردود بعض الزملاء كانت جارحه وغير لائقه لاسلوب حوار بس طبعا بختلف مع حضرتك فى الكلام اللى قلتيه لان دى حقوقنا واحنا لو سيبناها وسكتنا عنها يبقى مش هنلاقيها ومنستحقاش لاننا كدا بنقولهم احنا جبنا ومنقدرش ندافع عن حقوقنا يعنى هيعملوا فينا اللى هما عايزينه وحرمانا بمساواتنا بغيرنا دى البدايه لبعد كدا واحب اقول لحضرتك ان تاخير الدراسه اسبوعين تلاته مش هى دى نهايه العالم لكن لازم يعرفوا ان لينا صوت يدافع عن حقوقنا غير كدا يبقى هنفضل طول عمرنا ناخد فوق دماغنا واحب اقول لحضرتك انى اول واحده كنت ضد الاضراب ايام امتحانات الثانويه العامه لان وقتها فعلا كان الموضوع فيه مستقبل ولادنا ياريت حضرتك تنظرى نظره عامه للموضوع مش نظره خاصه ولادنا مش هيحصلهم حاجه لما نعلن احتجاجنا على اوضاعنا ونطالب بحقوقنا اسبوع او اتنين لكن لو سكتنا سكوتنا تحديدا فى التوقيت دا مش فى مصلحتنا واحب اقول لحضرتك ان ولادنا اللى منهم ولادك ليهم حقوق عليكى وهو انك متضيعيش حقك اللى هو حقهم ومتربيهمش على الضعف وسياسه المشى جمب الحيط وكفايانا بقى سلبيه واستسلام لاوضاع غلط