[سعاد اقتصاد منزلى]

المشاركة الأصلية كتبت بواسطة طه السعدني

ما المحترم الدكتور طارق الحصري و الدكتور رضا مسعد قال المدرس له حصته و بس لما اشتكى مدرس لهم يوم لقاؤهم مع ريم ماجد و عبد الناصر اسماعيل رئيس نقابة المعلمين المستقلة
حتى الدكتور الحصري بيقول للمدرس اسم مدرستك إيه و أنا أبعت لجنة بكرة الصبح علشان تشوف المشكلة
طبعا علشان يطلع عين أهله لأنه فضح الوزراة إنها لا بتعين عمال و لا حراس و ناقص المدرس يمسك مقشة و ينظف المدرسة كده قوللوا تعال شوف يا دكتور بيتعمل في المدارس إيه و سلمللي على الوزارة الكدابة

يا سيدى العزيز احنا شغالين عمال نظافه حجره الاقتصاد لازم لها تنظيف يومى وما فيش عمال كان البنات بعد الحصه بينضفوها السنه اللى فاتت بعد قرارات منع الضرب و الافتراءات على المدرسين وتجرأ الطلبه واولياء الامور بنت فى اعدادى وقفت وقالت أنا ما بنضفش حاجه أنا جايه اتعلم مش انضف ووالدى قال لى انا ممكن اشتكى المدرسه وكل البنات قالوا مثلها ولما صعدت الموضوع لاداره المدرسه قالوا مش عايزين مشاكل مع اولياء الامور واضررت انا انضف الحجره لان اى زياره للموجهه او من الاداره او المديريه بتحملنى انا مسؤليه نضافه الحجره وحسبى الله ونعم الوكيل