هوه ده المطلوب مسرحية انفلات .. الشرطة تتخلى عن واجباتها
لحد ماحضرتك وحضرتى نقول اتفضلوا يا بهوات وزى مكنتوا ماشيين امشوا
حقم علينا الشعب غلطان وعاوز ضرب الكرباج
وعادت ريمه لأسوء عاداتها القديمة
سؤال لحضراتكم : كل اللى عينهم المخلوع فى نظامه طلعوا نصابين .. حثالة مجتمع .. شواذ .. تجار سلاح .. تجار مخدرات .. تجار أعضاء بشرية .. جالبوا أدوية قاتلة .. مبيدات مسرطنة .. عديمى رحمة .. عديمى وطنية ..عملاء .. جواسيس ...لن أستمر فى السرد حتى لا تمتلئ صفحات المنتدى فلا تجدون مساحة به للمشاركة .
اشمعنى طنطاوى اللى هيطلع نضيف .. دا المخلوع كان عشان يعين حد لازم يجيبله شهادة سوء سير وسلوك ؟
سؤال تانى مدينة فايد بتاعت مين ؟
يا إخوانى المشهد واضح بس إحنا اللى مش عاوزين نشوف الحقيقة بجد والله كتير منا بيضحك على نفسه لانه خايف من الصدمه
وأأكدلك كلامى مجاش وقت كنت تتمنى ان واحد من اللى فى السجون يطلع شريف ؟ أنا واثق انه حصل ؟ لانك محتاج نفسياً انك تثق فى حد عشان تكون مطمئن .. فبتضحك على نفسك وانت عارف ان اللى بيقودوا البلد مش أهل للثقة .. وبترفض من جواك انك تفكر فى ان دول مش كويسين .. وبترفض تسمع فيهم رأى مخالف ؟
مثال تانى كلنا بنطمن نفسنا بإن جيشنا الأقوى وان فى حال الحرب مع اسرائيل هنبيدهم بسلاحنا .. مين قالك ان سلاحنا أقوى
دا معظم لواءات الجيش ميعرفوش حجم السلاح ؟ بنضحك على نفسنا علشان نطمئن ؟
انا واثق ان احنا بإيمانا بربنا وبصدق قضيتنا وبالمقاتل المصرى نبيد اسرائيل .. لكن بالسلاح أشك ؟
وكتير من اللى كانوا يتمنوا الحرب مع إسرائيل لما حصلت أحداث السفارة خافوا ان ده يحصل ؟
و عصام شرف جدير بأن نرفع له القبعة لكن للأسف واقع تحت ضغط المجلس العسكرى وأشك إنه يقدر حتى يستقيل
عصام شرف مش ثورى أبداً .. أحس انه نزل ميدان التحرير غلط
المواقف هى اللى بتقول كده و المجلس العسكرى .. محتاج لشخص متمرد مش مسالم .. محتاج لواحد شايل كفنه
أنا فرحت بيه جداً لما جه .. و هافرح دلوقتى لو مشى وكل ما طول فى المنصب البقع السودة فى هدومه هتزيد
رأيي لا للطوارئ
لا للقرارات الارتدادية للمجلس العسكرى
محاسبة مسئولى الشرطة فى حال تخليهم عن واجبهم والوقوف متفرجين
لا أثق فى أي قيادة باستثناء عصام شرف .. أثق فى ذمته ولا أثق فى حنكته ومهاراته السياسية
حدث تغيير بعد الثورة ولكن لسان الحال يقول إننا قادمون على انتكاسة
أفضل المحتملين للرئاسة هو حازم اسماعيل فأنا أراه الوحيد الذى لم يتلوث ولم يتلون وجهه كوجه السياسة القذر
ولكن المسألة ليست بشخص ينال لقب رئيس مصر وإنما هى قواعد تقعد وفكر تحمله رؤس منظومه يدعى " النظام "
السكوت كارثة
المليونيات كارثة
خلاص البلاد من رب العباد
نبتهل إلى الله وحده الحاكم الأعظم أن يمن بها علينا .
وأخيراً ..يعلم الله كم أحب هذا البلد وكم أسعدتنى هذه الثورة .. ولكنه الواقع من وجهة نظرى
بارك الله فيكم .. الشكر لصاحب الموضوع .
__________________
استودعكم من لا تضيع ودائعه
|