اقتباس:
المشاركة الأصلية كتبت بواسطة همس المشاعر
انا عارفة ان ردي متأخر بس انا كان عندي تعليق
اولا انا عايزة بس اقول ان انا كنت في السعودية ووالدي ربنا يحفظه الحمدلله ملتزم ومتدين الحمد لله ... المهم ان احنا نزلنا مصر من فترة بس والدي فضل هناك
طبعا اول لما نزلنا مصر انا لما رحت المدرسة طبعا اهلي دخلوني مدرسة خاصة اسلامية لانهم كانوا بيرفوضوا وقتها في المدارس الحكومية المنتقبات
لقيت بقى في المدرسة اخوااااان وسلف وكدا .. وانا كنت على نيتي ومش فاهمة حاجة
ولقيت واحدة تآخدني على جنب وتقولي انتي سلفية ؟؟؟ والتانية تآخدني على جنب وتقولي انتي من الاخوان ؟ طبعا انا وقتها رديت عليهم وقلتلهم مش عارفة انا مسلمة والله موحدة ومؤمنة بالله ورسوله .. رجعت لماما يوميها بحكيلها بقى قعدت تضحك عليا وقالتلي بعد كدا الي يسالك قوليله انا مؤمنة بالله وموحدة وخلاص .. للأسف بعد فترة لاحظت ان في صراع بين الطالبات بس مش واضح اوي دي تقول سيبك منهم دول اخوان ودي تقول سيبك منهم دول سلف ... طبعا انا واهلي ووالدي اتصنفنا اننا مش اي حاجة
لدرجة انهم وصولوا لمرحلة انهم قالوا انتوا جهاد ولا ايه وخايفين تقولوا ؟؟
طبعا انا لقيت ان في تصنيفات اخرى وانا مش عارفة المهم
اني حزينة اوي اوي بجد على الوضع حزينة جدا على الفرقة دي
المرحلة وصلت ان الاخوان والسلف بقوا يتخانقوا في المساجد .. اه والله حصلت في مسجد عندنا اتخانقوا عشان مين هيقول الخطبة واحد سلفي ولا اخوان .. شفتوا احنا وصلنا لايه ؟؟؟
ومدرس عندي في المدرسة كان مدرس لغة عربية لقيته مرة بيتريأ على السلف وبيقول مش الالتزام ان الواحد يلبس جلبية لغاية الركبة ويطلق لحيته لغاية بطنه عشان يبقى ملتزم .. طبعا البنات الي اهلهم من السلف حطوا الاستاذ دا في البلاك ليست .. انا وقتها صراحة ادايقت لاني حسيت انه بيتريا على والدي وعلى والد كل طالبة والدها ملطق لحيته ... بس سكت
جيت في مرة لقيته بيتكلم في نفس الموضوع مش رضيت اسكت قمت وقلتله يا استاذ بعد اذنك مش في حاجة اسمها سلف واخوان وجهاد وحجات من دي كلنا مسلمين المهم اننا دخلنا في حوار طويل وفي الاخر سكت بس كنت هفقد اعصابي بجد عشان كدا مسكت نفسي وسكت
للأسف اننا كل يوم بنتفرق مع اننا محتاجين نبقى ايد واحدة كلنا مع بعض عشان نرجع المجد الي ضاع مننا ..
انا عارفة اني طولت عليكم
انا متاسفة جدا
|
بجد نعم الرأى
هوا ده اللى كنت اقصده
و اللى مقتنع بيه
ربنا يوحد المسلمين كلهم يارب