[عـــادل]

تصدق انا كنت عاوز اعمل موضوع عن الناحيه الشعورية لطالب المقبل على الجامعه خصوصا لو اتدبس فى جامعه هو مش مقتنع بيها اوى

بتلاقى انه ودنه متسلمه لكل كلمه من كل من هب ودب ويحس انه اتورط فى شئ مش قده وان اخره اسبوع وهيحول من الكليه اللى اترمي عليها


نيجى لسوالك : سوالك بسيط وسهل جدا كل الحكايه ان انت ليك عدد من المواد بتدرسه فى كل ترم او نصف سنه زى ماتحب تسميها

لو فرضنا ان ليك عدد 5 مواد فى الترم الاول وكل ماده ب 3 ساعات يبقى انت محتاج 15 ساعه عارف انك هتسال يعنى ايه 15ساعه دول

يعنى انت بعد مابتقدم ملفك الجامعه بتيجى لشئون الطلبه علشان تسجل جدولك وعلشان ده يتم بتاخد رقم كود وباسورد علشان تدخل على موقع الكليه على صفحه خاصه بيك بتسجل المواد الخاصه بالمستوى اللى انت فيه وبتعمل حفظ فبتسجل المواد ده عندهم فى الكمبيوتر المركزى الخاص بالكليه وبعدها بتطبع الجدول اللى انت عملته وتروح لشئون الطلبه تديهم الجدول ده فهما بيعمله بيه كشوفات وتتبعت للدكاتره علشان يتابعه الغياب

وفائدة التسجيل على الكمبيوتر وهو اجبارى طبعا ان انت فى الامتحان الفينل بيتعمل ليك كراسه اجابه باسمك وعليها حاجه اسمها بار كود اللى هو زىالخطوط اللى فى البطاقه ومكتوب على كراسه الاجابه ده اسمك ورقم كودك والماده الخاصه بيها ويدوب بس بتمضى عليها واحياننا بتكون كراسه الاجابه فيها الامتحان زى نظام ابتدائى تجاوب فى ورقة الاسئله

المهم

وطبعا الخمس مواد دول بياخده 5 ايام كل ماده بيوم كامل الا المتطلب بيكون بعد انتهاء اليوم الدراسى للمواد والمتطلب هى حقوق الانسان والثقافه البيئه والهبل ده انت فهمه طبعا عامل زى تربيه الوطنيه كده بتاع ثانوى

ومفيش حاجه اسمها مصاريف على ساعات المعتمده

شوفت الموضوع سهل ازاى

واى حاجه انا موجود اسئل وانا معاك


انا تخصص علوم حاسب جامعه القاهرة