اقتباس:
|
لأ أنا برضه مُصر إن الخيوط الدقيقة مش كل الحكاية، أعتقد إن المنطق السياسي أو العسكري تحديداً بيتطلب ردود أفعال سريعة ومركزة..لو قعدنا نتحري ونحاول نجيب الديب من ديله يبقي مش هنوصل لحاجة وهيضحك علينا، زمان كنا بنقول هنسأل ونشوف ونحقق وننام بعد كده وكان النظام عندنا بيساعد الأجانب في هتك الحقوق بسخافة بداعي البحث عن الأسباب، أعتقد إن الفرق اليومين دول إننا خدنا رد فعل شجاع وسريع وناقص بس نستفيد كويس من إللي حصل عشان يبقي موقف كامل بذكاء مش مجرد رد فعل عن طريق تعديل الإتفاقية وأعادة النظر في عملية إنتشار الجيش في سيناء وقطع الغاز وإعادة النظر بشكل عام في العلاقة بينا وبين إسرائيل عشان نعمل خطوط صريحة وواضحة ضد أي تجاوزات تحصل من الكيان الصهويني وبرضه جرس إنذار ضد أي قوي سياسية إتعشمت في مصر!
|
كلاااااااام حضرتك يا باش مهندس ممتااااز جداا ومتفقه معاااه ..
سؤال بسيط هى مين القوة السياسية اللى اتعشمت فى مصر ؟؟
بالنسبة لرد الفعل انا شايفااه ناقص ليه ؟؟ الموضوع اتقفل عليه .. وهس هس " بضم الهاء " يعنى كله سكت فجأة و كأن شيئا لم يكن
كان اخويا بيقولى كلمة وانا كل يوم بقول عنده حق فيها "" مشكلة المصريين انهم بينسوا "" يعنى اهو المصريين فى يوم عملوا مظاهرات قدام السفارة وعملوا موقف ما حدش قدر يعمله زيهم زى سقوط العلم الصهيونى من السفارة واثبتوا انهم قااادرين يعملوا اكترمن كدة .. لكن وبعدين .. موقف المجلس العسكرى والحكومة مخزى جداااا .. فين دم الشهداء اللى قتلوا على الحدود ..
ده اللى بتكلم فيه يا باش مهندس احمد ان الواحد بينسى وبيسكت للاسف .
اقتباس:
|
فكرة طلب تفسير من إسرائيل، مش القصد بيها إني أستني الحقيقة كاملة من مرتكب الفعل لإنه من غير رغي كتير سذاجة أكيد، لكن هو مجرد وضع إسرائيل في موضع الدفاع وأنا في موضع القوة و الهجوم، لكن أنا ليا الحق في إتخاذ إجراءاتي السريعة وليا كامل الحق في تأمين نفسي وأرضي بالطريقة إللي أنا شايفها..
|
+1
الطريقة اللى حضرتك شايفها تأمين .. هم شايفنها ارهاب وعدوااان ...
يعنى لو زودت عدد الجنود هيتقال بكل بساطة ده خرق للحدود الاسرائيلية وان ده مقدمة لافشال السم فى الشرق الاوسط والكلام الكبير ده ...
اقتباس:
|
كامب ديفيد إتكلمنا عنها كتير وهي إتفاقية فاشلة وضعيفة بكل المقاييس سواء سادات ولا غيره، إتفاقية معمولة عشان إسرائيل تملي عليا شروطها وتحجم قواتي علي الحدود وتقسم أرضي لحروف أبجدية حسب إللي هي عايزاه وتجيب قوات دولية تتمركز عشان تأمنلها الحركة عند مضيق تيران وتضمن إنه مفتوحلها براحتها تبقي إتفاقية تدل علي الخنوع والضعف من السادات نفسه أول واحد رغم إني بقدر الراجل ده بس دي سقطة شديدة في تاريخه..
|
قوات دولية تتمركز زى ما قال عمرو الطويل اللى هى امم متحدة وقوات تانية ...
وفعلا هى بتأمن اسرائيل من اى هجوم وبتسب المصريين يضرب فيهم عاادى جداا
طبعا سقطة شديدة جدااا
هو ايه اللى يخلى جيش منتصر زى مصر يملى عليه بنود اتفاقية من عدو مهزوم ؟؟؟
الا لو كان مساند من قوة عظمى زى امريكا وانا عندى مصالح معاها كجيش منتصر
اقتباس:
|
أنا مابطلبش تحقيق مُنصف يا باشمهندسة، أنا بشوف الوضع برؤيتي أنا و زي ما قلت بتخذ إجراءاتي وبجيب حقي بالبلدي كده إنما تصعيد الموضوع لفوق زي ما قلت برضه مش ده قصدي خالص
|
+11111111111111111
الانصاف فى حالة اننا نستعين بالامم المتحدة والكلام ده يبقى ظلم ... لانها عمرها ما هتقف مع عرب مسلمين ...
اقتباس:
|
أنا مش شايف حاجة في الخبر بتقول إن التقرير إتلغي من جانب مجلس الشيوخ أو وزارة الخارجية، هي كانت حاجة معروفة إن امريكا كانت واقفة جنب إسرائيل ظالمة أو مظلومة وإنتقدت التقرير لإنه ماجبش سيرة حماس والكلام ده، لكن لما قريت أكتر في الموضوع عرفت إن كان فيه ضغوط علي عباس أبو مازن إنه يسحب إعترافه بالتقرير عشان عملية السلام في الشرق الأوسط متتأثرش والحوارات دي
|
اتفضل يا باش مهندس ....
اجمالا للخبر ان مجلس الشيوخ صوت بالاجماع على الغاء تقرير جولدستون ...
اقتباس:
يعني قصدي مش بعمل أي حاجة ليها علاقة بتوجيه إنتقادات مباشرة لإسرائيل، بوجه لها عن طريق جهة وسيطة
|
جهة وسيطة زى مين ؟؟
اقتباس:
حركات شباب مش حركات شباب مليش فيه، أمريكا وإسرائيل الثورة دي مش جاية علي مزاجهم ومعكنناهم أوي ولو كان في إيديهم يعملوا حاجة ضد حركات الشباب دي كانوا عملوها من بدري..
وأنا مش هعيش خايف للحظة إللي أوباما باشا يقطع العيش فيها، أنا مليش غير إني أحفظ كرامة وطني وأمشي بخفة ودلع علي رأي جاهين الله يرحمه
|
يااااااارب يجى اليوم اللى نعمل قوت يومنا من ارض بلدنا ....
بس للعلم مش سهل انك فجاة تقطع الدعم من امريكا عن بلد زى مصر ..
على الاقل محتاجين وزاارة زرااعة محترمة تقدر تكفى محصول وحاجة بلدنا من الغذاء + الكسااااء
لما تلاقى قطن بلدك بيتباع فى محلات الماركات بالشئ الفلانى وكل ده علشان ماااركة وتلاقى منتج بلدك على جنب كدة ومهمل جداا يبقى ده محتاج اهتمام شوية بوزارة التجارةو الصناعة .
كل الحاجاات دى بتسبب مشاكل سياسية واهمهااننا بنحتاج من امريكا ابسط احتياجتنا ...
اقتباس:
أمريكا من حقها تعمل أي حاجة لمصلحتها أياً كانت الوسيلة، وإحنا كمان من حقنا مانكونش هُبل ونعرف كويس نخلي بلدنا ليها كرامة وعزة وشخصية ونمارس دورنا إحنا كمان وأمريكا صدقيني هتلاقي نفسها متكتفة برضه لو لقت البلد دي إيد واحدة متماسكة
=====
|
+1111111111
من وسائل امريكا انها تخلينا قدام نفسنا وشعوبنا عاجزين عن كل حاجة واى حاجة ... مثلا حضرتك تقدر تشوف تصريحاتها تلاقيها بتتكلم عن كل البلاد وكأنها الشعب الافضل و الجدير بالبقاء دونا عن باقى الشعوب ...
اقتباس:
بارك الله فيكي وفينا يا باشمهندسة، وآسف جداً علي التأخير في الرد
كل سنة وحضرتك طيبة
|
وحضرتك طيب يا باش مهندس