اقتباس:
المشاركة الأصلية كتبت بواسطة eng.hagar
فعلا الخيط الدقيق ده هيحل مشاكل كتير جدااا ... بس تقتكر يا باش مهندس مين يقدر يجيب الخيط ده ... !
لجنة دولية تبقى فى صالح اسرائيل ولا لجنة مصرية تدين وتشجب ..
طيب بالنسبة للمسئولية المشتركة دى هتبقى ليها توابع .... يعنى اسرائيل هترد وتقول ان فى مسلحين على الحدود وعلشان كدة ردينا عليهم ... وهى دى المسئولية المشتركة .....
بالنسبة لتفسير اسرائيل احنا مش محتاجينه ... هل هتوجه تهم لنفسها وتقول انا ضربت النار فعلا على الجنود .....
طرد السفير حاليا مش عارفه هتبقى نتايجه هتبقى ايه .. قطع الغاز ده هيذلهم وهتبقى خطوة فعالة علشان نثبت اننا نقدر نستخدم اسلحة من غير دموية ...
كامب ديفيد زى ما حضرتك قولت قبل فاشلة بالدرجة الاولى لانها زى ما قال عمرو قبل كداا ان هى كانت صالحة لشخص واحد وهو السادات .
ما ينفعش يبقى تحقيق من طرف واحد ..
يعنى مثلا ما ينفعش حضرتك واخوك يحصل - لا قدر الله - اشكال بينكم وتدخل زميلك المقرب علشان يحكم ...
وده اللى هيبقى موقف مصر لو كان التحقيق عن طريق خبراء عسكريين مصريين ...
تصحيحا بس للمعلومة يا باش مهندس اسرائيل ما لغتش التقرير
ده مجلس الشيوخ الامريكى ووزارة الخارجية هو اللى لغى التقرير
+1
معلش فى عينيها ازاى ؟؟!!
والله يا باش مهندس اللى اقصده ان اسرائيل متدربين على السلاااح وخسراتهم هتبقى اقل مننا فى بداية المعركة " علشان ان شاءالله هنكون احنا المنتصرين اخيرا "
كمان فى بداية المعركة هم هيكونوا اكتر قدرة على حمل السلاح .. شوف ازاى هم بيدربوا العساكر فى جيشهم وازاى فى نساء بيعرفوا يمسكوا سلاااح
.
لازم يكون عندنا تجربة ميدانية علشان لو حصلت خسارة لا قدر الله تكون اقل
اتمنى تكون فكرتى وصلت ....
واعتذر لو كلامى ماكانش مبين العلاقة ..
[/center]
بعد الثورة ما بانتش توجهات مصر ناحية اسرائيل
ومش هيقدر يقطع العيش يا باش مهندس بعد حرق العلم
لان دى فى نظرهم حركاات شباب
لكن هم داخلهم منتظرين حركة حقيقة على الارض ....
دى ايام تقدر تسميها ايام مغيمة ... يعنى مش باين فيها توجة موحد ناحية اسرائيل
لسه فى ناس مؤمنة ان فى سلام بين مصر واسرائيل ....
وان احنا لازم نلتزم بنفس الاتفاقية بنفس الشكل التعبااان ده
....
معلش جزئية بس
امريكا لسه بتمارس هيمنتها عن طريق الاقليات " النصارى "
وقالت حرفا ان الدعم لمصر هيرفع لو تولاااها احد من الاسلاااامين .
+1111111111111111111111
ـــــــــــــــــــــــــــ
بارك الله فيك يا باش مهندس احمد [/center] |
لأ أنا برضه مُصر إن الخيوط الدقيقة مش كل الحكاية، أعتقد إن المنطق السياسي أو العسكري تحديداً بيتطلب ردود أفعال سريعة ومركزة..لو قعدنا نتحري ونحاول نجيب الديب من ديله يبقي مش هنوصل لحاجة وهيضحك علينا، زمان كنا بنقول هنسأل ونشوف ونحقق وننام بعد كده وكان النظام عندنا بيساعد الأجانب في هتك الحقوق بسخافة بداعي البحث عن الأسباب، أعتقد إن الفرق اليومين دول إننا خدنا رد فعل شجاع وسريع وناقص بس نستفيد كويس من إللي حصل عشان يبقي موقف كامل بذكاء مش مجرد رد فعل عن طريق تعديل الإتفاقية وأعادة النظر في عملية إنتشار الجيش في سيناء وقطع الغاز وإعادة النظر بشكل عام في العلاقة بينا وبين إسرائيل عشان نعمل خطوط صريحة وواضحة ضد أي تجاوزات تحصل من الكيان الصهويني وبرضه جرس إنذار ضد أي قوي سياسية إتعشمت في مصر!
فكرة طلب تفسير من إسرائيل، مش القصد بيها إني أستني الحقيقة كاملة من مرتكب الفعل لإنه من غير رغي كتير سذاجة أكيد، لكن هو مجرد وضع إسرائيل في موضع الدفاع وأنا في موضع القوة و الهجوم، لكن أنا ليا الحق في إتخاذ إجراءاتي السريعة وليا كامل الحق في تأمين نفسي وأرضي بالطريقة إللي أنا شايفها..
كامب ديفيد إتكلمنا عنها كتير وهي إتفاقية فاشلة وضعيفة بكل المقاييس سواء سادات ولا غيره، إتفاقية معمولة عشان إسرائيل تملي عليا شروطها وتحجم قواتي علي الحدود وتقسم أرضي لحروف أبجدية حسب إللي هي عايزاه وتجيب قوات دولية تتمركز عشان تأمنلها الحركة عند مضيق تيران وتضمن إنه مفتوحلها براحتها تبقي إتفاقية تدل علي الخنوع والضعف من السادات نفسه أول واحد رغم إني بقدر الراجل ده بس دي سقطة شديدة في تاريخه..
=====
أنا مابطلبش تحقيق مُنصف يا باشمهندسة، أنا بشوف الوضع برؤيتي أنا و زي ما قلت بتخذ إجراءاتي وبجيب حقي بالبلدي كده إنما تصعيد الموضوع لفوق زي ما قلت برضه مش ده قصدي خالص
=====
أنا مش شايف حاجة في الخبر بتقول إن التقرير إتلغي من جانب مجلس الشيوخ أو وزارة الخارجية، هي كانت حاجة معروفة إن امريكا كانت واقفة جنب إسرائيل ظالمة أو مظلومة وإنتقدت التقرير لإنه ماجبش سيرة حماس والكلام ده، لكن لما قريت أكتر في الموضوع عرفت إن كان فيه ضغوط علي عباس أبو مازن إنه يسحب إعترافه بالتقرير عشان عملية السلام في الشرق الأوسط متتأثرش والحوارات دي
=====
يعني قصدي مش بعمل أي حاجة ليها علاقة بتوجيه إنتقادات مباشرة لإسرائيل، بوجه لها عن طريق جهة وسيطة
=====
حركات شباب مش حركات شباب مليش فيه، أمريكا وإسرائيل الثورة دي مش جاية علي مزاجهم ومعكنناهم أوي ولو كان في إيديهم يعملوا حاجة ضد حركات الشباب دي كانوا عملوها من بدري..
وأنا مش هعيش خايف للحظة إللي أوباما باشا يقطع العيش فيها، أنا مليش غير إني أحفظ كرامة وطني وأمشي بخفة ودلع علي رأي جاهين الله يرحمه
=====
أمريكا من حقها تعمل أي حاجة لمصلحتها أياً كانت الوسيلة، وإحنا كمان من حقنا مانكونش هُبل ونعرف كويس نخلي بلدنا ليها كرامة وعزة وشخصية ونمارس دورنا إحنا كمان وأمريكا صدقيني هتلاقي نفسها متكتفة برضه لو لقت البلد دي إيد واحدة متماسكة
=====
بارك الله فيكي وفينا يا باشمهندسة، وآسف جداً علي التأخير في الرد
كل سنة وحضرتك طيبة