اقتباس:
المشاركة الأصلية كتبت بواسطة scrubs
استاذه منة اسمحيلى اجوبك
اولا انتى فى كلية علوم وبتاخدى دراسة محدش فى اى كلية تانية بياخدها
انا عارف انك كنتى عايزة صيدلة وان ده حلمك وان المجموع والتنسيق فرضوا عليكى حاجات مكنتش فى حساباتك
ولكن كلية علوم بتعطيكى من المرونة ومن العلم اللى يؤهلك انك تحضرى دراسات عليا فى المجال اللى انتى عايزاه
كفاية اوى يا دكتورة منة ان اللى بيخترع الدواء لازم يكون خريج علوم اما صيدلة بينتج و الطبيب البشرى بيوصفه للمريض
انتى الاصل ... فعلا نحن الاساس عشان كده لو بصيتى للمناهج انتى مش مجرد بتدرسى شوية معلومات انتى بتدرسى علم متكامل خلاصة ابحاث ونتائج علماء
فياريت يا جماعة لو سمحتوا يبقى عندنا شوية اعتزاز بالنعمة اللى فى ايدينا اللى هى كلية علوم
وعندك بعد التخرج بعد ما تكونى اتأسستى فى تخصصك انك تحضرى دراسات عليا فى مجالات مختلفة متخصصة بمعنى الكلمة
يوجد تشابه فى مجالات الشغل ما بين الصيدلى والكيميائى ولكن لكل واحد منهم ليه دور مهم فى الشركات
بعنى الاتنين مطلوبين ما ينفعش الاستغناء عن طرف فيهم
معنى الكلام ان انا واقعيا طالب فى كلية علوم يبقى ادور على مستقبلى يعنى تقدير كويس يعنى اتفوق
يعنى اركز انى ابقى متميز فى مجالى وزى ما انتى شايفة كل يوم تانى الاطباء والصيدلة يعملوا اعتصامات بسببنا
ده معناه حاجة واحده اننا منافس شرس ذو علم مش قادرين ينافسونا فأحنا منهتمش وكل واحد يعمل اللى عليه ويجتهد فى مجاله وما يبصش على غيره بالعكس غيرك هو اللى بيبص عليكى
|
بشكرك جداا علي ردك وانا ان شاء الله هحاول اعمل المطلوب مني ويمكن ده ياهلني لحاجة احسن من اللي كنت عايزها
انا طبعا مبقللش من كلية علوم المشكلة ان انا وكنت بفكرفي حاجة طول عمري ولاقيت كل ده اتغير ووصلت لحاجة تانيه عمري مافكرت فيها وكمان انا يمكن مافكرت عشان اعتقاد خاطئ عن الكليه بس الحمد لله انامتاكده ان شاء الله ان انا هكون مرتاحة فيها وحباها وربنا يستر