اقتباس:
المشاركة الأصلية كتبت بواسطة fadyssmm
ارجوكم يا جماعه حد يساعدني لأني بجد هتجنن و مش عارف اعمل ايه ...
أولا انا مجموعي 337 بالمستوي الرفيع و 378 باللغه الانجليزية في السنتين .... و قدمت في التنسيق زي كل الناس و جاتلي بطاقة الترشيح بتجارة القاهرة عربي يعني ... و انا كنت مدارس لغات و طول عمري باخد المواد بالانجليزي و بجد هتبهدل لو دخلت عربي و مش هفهم حاجه ... عشان كده كان نفسي احول لتجارة انجليزي جامعة بني سويف ... انا عندي استعداد اسافر كل يوم بالقطار ولا اني ادرس بالعربي ... و مع ذلك مش عارف ليه مش راضيين يحولوني ... انا عملت تقليل الاغتراب علي الموقع ولا حياة لمن تنادي ... و روحت مكتب التنسيق يقوللي روح مكتب التحويلات ... و اروح مكتب التحويلات يقولولي روح جامعة بني سويف نفسها ... روحت الجامعه شئون الطلبه قالولي تقدر تدخل طبعا .... تجارة انجليزي بني سويف واخده من 362 و انت جايب 378 ... و الانجليزي عايزين 80% من الدرجة أنا جايب 90% و بعدين قاللي بس الموضوع مش في ايدي انا لو عليا ادخلك بس لازم تجيبلي ورقه من التنسيق رجعت التنسيق تاني لقيت موظف كده ربنا يسامحه مش فاهم أي حاجه في أي حاجه ... يا ريت يا جماعه لو حد يعرف يساعدني ... لأن انا مستقبلي بيضيع و الوقت بيعدي و مش عارف اعمل ايه و اروح لمين و ايه الخطوه اللي المفروض اعملها ؟!
|
بص يا باشا انت تجهز الاوراق المطلوبة للتحويل وتروح الكلية اللي انت عايز تحولها وبما انك جتلك تجارة عربي وانت عايز تحول انجليزي يبقي تعمل تحويل ورقي غير مناظر وربنا معاك وتتقبل بما ان مجموعك جايب ...