اقتباس:
المشاركة الأصلية كتبت بواسطة شيشانا
طيب انا كنت عايزه اعرف بانسبه لجامعه الزقازيق التخصص بيكون فيها من اولى ولا تالته ولا تانيه
وكنت عايزه اخش قسم الكيمياء الحيويه والميكروبيولوجى بس سمعت انه مش موجود فى جامعه الزقازيق
وبصراحه انا محتاره شويه فى القسم انا علمى علوم وكنت عايزه اخش قسم فيه مجالات شغل كتير
|
بصى انا هقولك على الاقسام المتاحة فى جامعة الزقازيق :
- الكيمياء
- جيوفيزياء
- جيولوجيا
- حشرات
- حيوان
- فيزياء
- فيزياء حيوية
- كيمياء ونبات
- كيمياء حـيوان
- كيمياء وفيزياء
- كيمياء وجيولوجيا
- كيمياء وكيمياء حيويه
- كيمياء وميكرو
- كيمياء وحيوان
- ميكرو
- نبات
بصى بقى انتى لو عايزة حاجة ليها شغل كتير بغض النظر انتى بتحبى ايه يبقى كالأتى :
كيمياء وميكرو
كيمياء حيوية
كيمياء وكيمياء حيوية
التلاتة دول هيؤهلوكى لمجالات عمل كتير ككيميائية او كدكتورة تحاليل بعد عمل دبلومة
والكيميائى فرص العمل ليه كتيرة جدا زى ما شوفتى فوق
فيه برضه كيمياء / جيولوجيا
يعنى ده بيمسك العصاية من النص بمعنى انه يقدر يشتغل فى مجال الجيولوجى او الكميائى
وديه ميزة الاقسام الدابل الكورس انها بتدى مجالات شغل اوسع
يعنى تقدرى تشتغلى فى البترول وشركات المياه الجوفيه والاتشاءات والتشييد وغيره
وتقدرى تشتغلى فى مجال الكميائى زى الادوية والدهانات والاصباغ والاسمنت والبلاستيك وغيره
بس عيبها الوحيد انك مينفعش تبقى معيده حتى ولو كنتى الاولى على الدفعة عشان انتى مش متخصصه مثلا زى قسم كمياء اسبشيال او جيولوجيا اسبشيال فهم الاحق فى مجال التدريس فى الجامعة بس زى ما قولتلك
هيبقى مجال الشغل من كيمياء/جيولوجيا واسع جدا
على فكرة التخصص من سنة تالتة فى الزقازيق اللى هو التخصص النهائى
ادامك مجالات حلوة وكويسة فكرى وصلى صلاة استخارة وبعدين قررى وبالتوفيق