أنا معرفش رد فعلي هيكون ايه يوم التنسيق أو حتى يوم ظهور نتيجتي في تالتة ان شاء الله
بس اللي اعرفه انه مهما كان مصيري .. فأنا مش هقدر اغيره
و على فكرة هتلاقي ان هو ده طبع كل الناس
يعني بنتضايق في الأول و بنزعل لكن في الآخر بنهدى و نرضى باللي ربنا كاتبهولنا
في بقى اللي بيحلم من تاني و يدخل كلية مش كليته و يطمح يجتهد في مجال مش مجاله
و ما شاء الله أنا اعرف ناس يا ما التنسيق خدعهم و رماهم في كليات و لا جات على بالهم في يوم بس دلوقتي بقوا معيدين في كلياتهم و بيحضروا ماجستير كمان
و على الوجه الآخر في ناس بتقول اهي كلية و السلام و يقضوا الكام سنة بالطول و العرض و خلاص و يندموا على سنين عمرهم و دم قلبهم اللي راح في المذاكرة و الدروس
بس في النهاية هيرضوا بالأمر الواقع و بالنصيب و القدر
|