[العربي الصغير]

في رأيي المتواضع ، ما دام الإنسان بيحب مجال معين يبقى يتخصص فيه مهما الناس قالوا ، لأن رضا الناس غاية لا تدرك ، وبعدين من المعتقدات الغلط اللي للأسف منتشرة في مصر هو وجود كليات معينة هي في نظر الناس هي القمة ، والصح إن القمة هو إن الإنسان يبدع ويتفوق في المجال اللي هو فيه ، مش يدخل كلية من اللي بيقولوا عليها كليات القمة ويكون من جواه مش حاببها وما يبدعش فيها ، ده عمره ما نسميه قمة ، المفروض نبعد قدر الإمكان عن المقارنة بين الكليات ومين أحسن ومين أوحش ، لأن الكلام ده مش هيغير حاجة وبيضيع الوقت على الفاضي ، الصح إن كل واحد فينا يطور نفسه قدر المستطاع وينمي نفسه ، وفي النهاية يتوكل على الله والأرزاق بيد الله