السلام عليكم
اخوانى واخواتى المعلمين المساعدين اللى امتحنوا كادر شهر4 ونجحوا فيه
اليوم كنت مع زميلاتى بادارة شرق وفى قسم التعينات سألنا الموظفة القائمة بعمل استاذة بثينة (لان اليوم هى مش موجودة) عنكم
قالت باذن الله مستنين اشارة من المديرية بأبيس للتعيين الفورى ليكم باذن الله
فلا تقلقوا باذن الله حتى لو اجراءات التعيين تمت اخر شهر8 او اول 9 فالتعيين لكم هيكون بتاريخ 1/7/2011
وزى ماقولت قبل كده اساسى المرتب ليكوا زاد زينا ل 219ج والقبض اصبح بدلا من 342ج اصبح 385ج تقريبا
تحديدا لااعلم والله
ونفس الكلام اتقال فى وسط بس طبعا لو طلعت لتعيينات وسط ستجدهم يقولون لك مافى شئ لسه خاص بيكم
لكن زميلتى قريبتها موظفة هناك قالت لها انهم برده مستنين اشارة لبدأ اجراءات التعيين لكم باذن الله
الاسماء بالمديرية بابيس فعلا ماعدا اسماء من غير مسمى وظيفى قبل امتحان الكادر ودخل امتحن تخصص وهو عقده معلم فصل
زميلتى سافرت للاكاديمية بالقاهرة الفرع الاساسى وقيل لها هذا الكلام
ان اسماء من تغير لهم المسمى الوظيفى من معلم فصل لمعلم مادة لسه اسمائهم هتتأخر عن اللى امتحنوا كادر4 ونجحوا
ولاخوانى واخواتى اللى ربنا موفقهمش فى مكون من مكونات امتحان الكادر اللى فات باذن الله تعوضوا فى اللى جاى وكده كده باذن الله ناجحين و متعينين
بس اهم شئ اكتب اسمك وكودك كويس وبخط واضح واستعن بالله
والله الموفق
اى تساؤل اختكم موجودة باذن الله