[واحـد من النــاس]

المشاركة الأصلية كتبت بواسطة amr_2010

الله يرحم يا حضري يا فلاح لما كنت واقف علي عربية كبدة في دمياط

شكلك ناوي تعملها في سويسرا

والله يا جماعه انا اعرف الحضير انا وبابا من اول ما جيه الاهلي

كان بيتكلم بطريقه فلاحه جدا وكان اهبل اوي ولحد فترة قريبه كان معايا رقم تليفونه لكن بقي غيره لما ربنا فتح عليه

والله يا جماعه انا بتكلم بجد ولو مش مصدقني انا اجيبلكو صورته معايا لما كنت صغير

طب ليه لما مشي من الأهلي وراح يشوف نفسه قبل ما يعتزل ويحس ان هو اتسجن في الأهلي وماتشهرش عالميا اوي وخد حقه نعد نشتم فيه ونقول فلاح

انا واحد صاحبي أهلاوي وبيحب الحضري ولما الحضري مشي قال ( مش من كفر البطيخ :D لازم يعمل كده )

يا جماعة الحضري موقفه تمام قانونيا وعرفيا .. ولو أي حد كان مكانه كان عمل كده

والنادي الأهلي كان بيدور على مصلحته ورف الـ 400 ألف دولار مقابل الحضري من سيون واستقلها .. ولو كان جاله أكتر كان هيقول ........ في الحضري

ليه هو كمان ما يشوفش مصلحته .. اشمعنى الإدارة تبقى أنانية .. ولما هو يبص لمستقبله يقولوا خاين و مش عارف ايه

وفي الآخر الجماهير ماكانوش هيفيدوا الحضري بحاجة لما يحبوه ماهو شوبير مشي اهو وذكره بقى نادر لولا انه معلق رياضي ماكانش حد افتكره أصلا

سوري يا جماعة انا طولت شوية .. بس انا باتكلم على مبدأ عام