[شموخ مسلمة]

السلام عليكم و رحمة الله و بركاته

ازيكم يا جماعة عاملين ايه و ايه اخبار الدنيا معاكم

طبعا كل واحد فينا بيمر بمواقف فى حياته سواء ليه او لغيره و هو شافها و هى دى خبراتنا فى الحياة ساعات خبرات قاسية و ساعات خبرات عادية و طبعا مش كلنا بنمر بنفس التجارب فى نفس الوقت و لا كلنا بنتعلم نفس الخبرات

المهم ..............موضوعى النهاردة بيتلخص فى ان كل واحد فينا يدخل يحكى عن موقف او مواقف اتعلم منها حاجة


************************************************** ***********************

انا ع نفسى هحكيلكو ع موقف ياريت تفهموه هو مش موقف بس مشاهدة

انا قبل كده كنت قاعدة ع شاطئ البحر بالليل فكان فى ازازة بيبسى (كنز) ع الشاطئ بتحاول تعدى الموجة و تدخل البحر بس طبعا الموجة بالليل شديدة المهم انا مسكت الازازة و رمتها فى البحر و راقبتها

الازازة يا جماعة فضلت ماشية و بقوة بعدين انحرفت عن المسار اللى انا رمتها فيه رجعت تانى للشاطئ و مش عرفت تتحدى الموجة مرة تانية و برده مش لاقت اللى يرميها لانها اترمت و هى اللى رجعت مش حد رجعها رجعت لما غيرت الطريق الصح عشان تجرب ايه اللى هيحصل فىة الطريق التانى