[مشتاقه لمصر]

المشاركة الأصلية كتبت بواسطة omomar2000

احنا بدانا التدريب اقصد العلقه النهارده ف القاهره وكانت المحاضره اليوم ومدتها 5 ساعات عن المحتوي النظري للمنهج وقاموا باعطائنا كتاب كبيييير ومعاه بلوك نوت وكمان قلم جاف ودوسيه بلاستيك ده لكل متدربه وكانت حته علقه يا اختى لغايه الساعه 3 لما استوينا وعلى فكره احنا بدانا ف اعطاء بعض المقترحات من النهارده

امال احنا كنا 6 ساعات ليه اشمعنى ؟؟؟؟
هههههههههه
واحنا كمان خدنا حافظه ملونه وجواها بلوك نوت وكتاب ابيض دليل المتدرب

ولسه هتخدو دليل المعلمه وشويه خامات
علشان تطلعو الانشطه اللى هتعملوها فى التدريب مزوأه ومروأه
وبالنسبه للاقترحات
تمام كويس جد جد والله لو شدينا حلنا فى التغيير المدروس هنعمل حاجه
بس ننضف دماغنا ومنخدش الامور الشخصيه فى اعتبارنا
يعنى البت دى مش مستريحلها وشغل الستات الموسوس ده
ههههههه
ونحط ايدينا فى ايد بعض
وكل معلمات رياض اطفال فى جميع انحاء الجمهوريه يبقو صدى لبعض
يعنى اللى تقوله ام عمر فى القاهرة نقوله احنا فى الاسماعيليه
وغيره فى اسيوط والمنيا والله بجد نفسنا نعمل حاجه ويكون بجد الطفل هو محور اهتمامنا فى المدرسه مش التحضير والوسايل التعليميه
يعنى انا عرضت ان الوسايل تكون جاهزة على الموجه العام قالت طبعا اشترى من الميزانيه جاهز زى ماانتى عايزة
بس انا رديت وقلت الموجود فى الاسواق مش كفايه احنا نتفق مع مصنع وكل معلمة شايفه انها عندها موهبه تصميم وسائل تعليميه تعمل بها ماكت وتقدمها للوزارة ويقوم المصنع بتصميمها بخامات كويسه تفضل معانا كام سنه مش اخر السنه نرميها لانها من الورق ويبقى المسابقه بين المعلمات فى التصميمات للوسائل

المشاركة الأصلية كتبت بواسطة omomar2000

عايزه اطمنك بان المتدربات ف الدوره الاولى اخدوا ال200 جنيه بلاضافه الى الشهاده والطريقه اللى حضرتك بتقولى عليها احنا شغالين بيها م السنه اللى فاتت علشان كده انا حاسه ان التدريب ماهوش جديد

شكر ليكى يا قمر بس انتى فاهمه التخطيط القديم اصلى كنت فى اجازة ولسه راجعه من 4 شهور ومعرفش التخطيط الشهرى والاسبوعى بيتعمل ازاى والمدربه اللى جت عندنا علشان تعرفنا التخطيط بالتفصيل كانت نص نص والبنات هاجو وماجو وفى اللى فهم وفى اللى لسه مفهمش
بس فى نهايه التدريب هطرحلك اللى فهمته وانتى تقوليلى اللى فهمتيه وياااااااااااااسلااااااااااااااااااااااام لو فى خطه شهريه وخطه اسبوعيه امثله وطبعا لجميع المجالات تبقى خدمتينى يا قطه
ههههههههههههههههه
وبعدين التدريب جديد مش جديد انتى كده كدا بتروحى المدرسه يبقى روحى التدريب وخديلك 200 ج احسن من وشهم ههههههههههه
وهما فعلا طلبو منا ورق مقترحات علشان يرفعه للوزاره وربنا يسهل
والله انتى اللى رافعه نفسيتى لفوق علشان نمد بعض بروح الحماس ده واستقطبى انتى اى بنت عندها افكار واديها شحنه الحماس دى علشان تقدم اقترحات (حلوه استقطبى دى هههههه مخابرات صح )