انتى على فكرة اخترتى اهم حاجتين و تقريبا ارخص حاجتين
الفوطة الصفرا دى باتنين جنيه علشان لو البوردة متربة تنضفيها زى اللى بيتنضف بيها العربيات فى اشارة المرور
اسطمبة الدواير بردو مهمة فى الدواير الصغيرة اللى متجيش بالبرجل او الكبيرة لو بتفبركى
سمير و على بلاش علشان اسعارهم اغلى من باقى المكتبات فى الحاجات دى , هما كويسين فى الكشاكيل بس ادوات اعدادى و عمارة بعد كدا ان شاء الله الفرق كبير و نفس الماركات و الانواع
و هاتى من عند الكلية لو تعرفى علشان هناك اللى بيكونوا عارفين انتى محتاجة ايه بالظبط
الشارع كله مكتبات و ممكن تستنى اول اسبوع دراسة كدا كدا مش هتستخدمى غير قلم و كشكول اول اسبوع ان شاء الله
معرفش تاخدى معاكى كام علشان مش فاكرة بصراحة و هتفرق لو هتجيبى الة جديدة أو بوردة رسم
انا هندسة عين شمس