اقتباس:
المشاركة الأصلية كتبت بواسطة mustafa.sharf
جميل اوى الموضوع يا اسلام تسلم الانامل بس انا كان عندى استفسار صغير بالنسبه لرخصه الارشاد السياحى بتبقى تبع
سياحه وفنادق بتاخدها اول ما تخلص ال4 سنين دراسه الكلبه بتدهالك ولا بعد ما تخلص بتعمل دبلومه سنتين ارشاد سياحى
وبالنسبه لالسن بردوا لو عاوز اعمل رخصه ارشاد سياحى متاحه ليا اعملها من فين وهى كام سنه وايهما افضل بدون انحياز لكليتك
مرشد من السن ولا مرشد من سياحه وفنادق ( معلش بقى اخر حاجه ايه اكتر لغه شغاله فى الارشاد وايه اخبار الروسى )
|
ايوة طبعا بعد ما بتخلص الاربع سنين فى سياحة وفنادق قسم ارشاد يتاخد رخصة الارشاد علطول , لكن دبلومة الارشاد دى لغير المتخرجين من قسم الارشاد يعنى قسم دراسات سياحية مثلا او كلية اداب او اثار وغيرها وبعدها بتاخد الرخصة
رخصة خريجى الالسن بتروح نقابة المرشدين تسأل هناك او تتصل بيهم وهما هيقولولك الاجراءات بالتفصيل
وبالنسبة لحكاية ايهما افضل ,,, فانا هقولك المزايا والعيوب : خريج سياحة بيبقى متخرج عارف تاريخ فرعونى واسلامى وغيره كويس اوى وكمان لغات مصرية قديمة اما اللغة فخريج السياحة بيبقى مستواه اقل من متوسط فى اللغة اللى واخدها مع الانجليزى لان الكلية مبتهتمش جامد باللغة عندنا وكمان خريج سياحة بيبقى متدرب كويس اوى فى التدريب الصيفى فى زيارة اماكن مصر السياحية والاثار يعنى من الاخر اللغة بس هى اللى مش اوى عند خريج سياحة وممكن يقويها فى الكورسات اثناء الدراسة ومعظم الطلبة فى الارشاد بتعمل كدة .
اما السن قاللغة قوية جدا ولكن عيوبها : التاريخ ضغيف وخبرة التدريب الصيفى فى الاماكن السياحية ضعيغة وطبعا فى الاخر الارشاد من غير تاريخ مينفعش ومن غير لغة مينفعش برضو
بالنسبة لاكتر لغة شغالة فى الارشاد فدة سؤال صعب الصراحة بس ممكن نقدر نقول الفرنسى والالمانى والايطالى على الرأس وبالنسبة للروسى فهو كويس وشغال وميزته انه مفيش افراط فى عدد المرشدين اللى فيه يعنى حوالى 240 مرشد