[يالا بينا]

المشاركة الأصلية كتبت بواسطة omarawy

ما هى شروط القبول بكليه الاداب قسم اعلام وما هى مواد الدراسة فيها و فرص العمل؟؟؟؟؟
جزاكم الله كل خير

مفيش اي شروط يا فندم غير المجموع
فيما يخص النظام داخل القسم :

طبعا القسم انتظام فقط ، مفيش انتساب

والدراسة طبعا (4سنوات)
اول سنتين دراسة عامة
وبعدها التشعيب في شعبة من الثلاثة :
1- الإذاعة والتلفزيون
2- الصحافة
3- العلاقات العامة وعلوم الاتصال

وكلها شعب أرقى من بعضها ، ومتتعة جدا ..

بالنسبة لطريقة الدراسة :

أغلبها نظري ، ولكن في جانب تطبيقي
من فترة بسيطة ، أنشئت جريدة في الكلية ، وكذلك في استديو إذاعي

المشاركة الأصلية كتبت بواسطة hagora2009

عايزه اضيف سؤال ....قسم اعلام بياخد من كام انا جايبه 84% تدخلنى اداب اعلام؟؟؟

إن شاء الله ، حسب ظروف كل سنة والتنسيق
لكن غالبا الحد الأدنى للقسم بيكون من 85% وأحيانا أقل لكن مش أعلى

المشاركة الأصلية كتبت بواسطة مى فاروق

محدش بيرد ليه دى نفس الاسئلة اللى كنت هسالها
اناجايبة 91,2 ادبى

ما شاء الله مبروك عليكي المجموع يا أستاذة مي
طبعا كده ممكن يقع منك إعلام القاهرة على حاجة بسيطة ، لكن لو قررتي تدخلي آداب إعلام مش هتكوني خسرت أبدا إن شاء الله

المشاركة الأصلية كتبت بواسطة مى فاروق

ياجماعة والله حرام عليكم
عمالين نسال وانتو ولا حد سائل فينا
يارييت لو سمحتو تردوا علينا

معليش بنعتذر عن التأخير
تحت أمرمكم يا فندم

المشاركة الأصلية كتبت بواسطة روز مصرية

بسوا انا مش متاكدة بس هى من مجموع الاداب العادى 70 75 وعلى حسب تنسيق كل سنة

تمام كده
بس حضرتك بتتكلمي عن كلية الآداب في حد ذاتها ، لكن تنسيق إعلام داخل الكلية بيختلف بالتأكيد
في تنسيق داخلي بيتم حضرتك بعد القبول في الكلية
طبعا احنا بنفهم الناس الفكرة من اعلام على أساس يبقوا عارفين قبل ما يضيعوا وقت في تغيير قرارهم بعد التقديم