[يالا بينا]

المشاركة الأصلية كتبت بواسطة bent aboha

السلام عليك ورحمة الله وبركاته
لو سمحتوا محتاجة مساعدة من طلبة كلية اداب اعلام
انا السنة دى فى تالتة وجبت 85 فى المية وكان نفسى ادخل اعلام بس شكلى كدة مش هلحقها
وكان عندى كام سؤال كدة ياريت لو حد يجاوبنى عليهم ارجوكم
اداب اعلام ممكن تاخد من كام السنة دى
يا ترى ممكن مجموع يرتفع عن 85 فى المية يعنى حصل قبل كدة وعدت 85
اداب اعلام موجودة فى جامعة سوهاج ولا لا
هل التوزيع الجغرافى ممكن يقف فى طريقى انى ادخل اداب اعلام القاهرة
ياريت حد يجاوبنى بسرعة لانى قربت اتجنن

أهلا بيكي يا جميلة
وألف مبروك النتيجة

- آداب إعلام بياخد من 85 % غالبا
وأحيانا أقل لكن محصلش انها زادت عن المستوى دا قبل كده ..

- أيا كان القسم موجود في سوهاج ولا لأ ، حبيبتي من حقك تدخليه في المكان اللي تختاريه طالما مطابق للتوزيع الجغرافي

بمعنى انه لو كان في سوهاج اداب ، ودخلتي وملقيتيش اعلام .. فورا من حقك تحولي للجامعة اللي تختاريها .. لكن لازم تتأكدي من آداب سوهاج أولا لو كان القسم موجود ولا لا ..



في معلومة إضافية :
لو حابة تدخلي آداب إعلام القاهرة بالذات ، حتى لو فيه آداب إعلام سوهاج ، في الحالة دي بتغيري بس محل الإقامة في بطاقتك للقاهرة وتدخلي اللي انت عايزاه ..


ربنا يوفقك يارب