اقتباس:
المشاركة الأصلية كتبت بواسطة محبة الله
جميل يا احمد
بس عند حتة كوول دى
المفروض تغير الاسلوب
وعند صورة عوامة المفروض تقولها بسخرية اكتر
وزمارة تعلى صوتك وتقولها مرة واحدة تشد الانتباه يعنى
وبطلوا باه تشتموا على الدنيا والزمن
لا تسبوا الدهر فانا الدهر اقلب اليل والنهار (حديث)
اباه عيش الدور اكتر وانت بتلقى الشعر
الله يسامحك فكرتنى بايام زمان
|
اشكرك جدا يامحبه الله
نيجي لتغيير الاسلوب
فلو دققتي أكتر هتلاقيني بعمل لزمه في اخر الكلمات يمكن انتي مأخدتيش بالك منها او ان صدي الصوت ضيعها بس فعلا انا مغير طريقه الكلام
صورة عوامة انا قولتها بزهول مش سخريه
لان انا مش همشي كل القصيده سخريه فأنا استخدمت السخريه مرة واحده وبالذات في القاء الشعر مبحبش احسس اللي قدامي بالملل
بالذات في زماره مينفعش اعلي صوتي فيها .. انا الحمد لله من اصحاب اعلي الحناجر القاسية .. فلو عليت صوتي بجد هتشيلي السماعه من علي ودنك ههههههه ولكن علي كل حال هحاول اغيرها ان شاء الرحمن
بالنسبه لسب الدهر فأنا مش بسب الدهر بعينه .. ليه انتي اخدتيها علي المحمل ده .. انا بحكي مواقف ممكن تكون حصلت قدامي من اشخاص .. مش بسب الليل والنهار كما في اعماق الحديث
بالنسبه اني اعيش الدور اكتر فمابالك من كاتب القصيده هيلقيها ازاي وهيا نابعه من قيعانه .. اكيد هتكون باحساسي انا والاقدر علي توصيل الاحساس هو انا
فكرتك بأنهو ايام زمان ؟ عشان انا لسه جديد ؟ :D ومعلش لسه مبتدئ في الالقاء و كتابه الشعر
شكرا علي نقدك ومرورك ومستني اعرف ايام زمان
