الحلقة الراااااااااااااااااااااابعة عشر:
كان حازم قد اخبر والدته من قبل انه يريد ان يتقدم ليطلب يد رهف من والدها وبالفعل رحبت والدته بالفكرة جداااا واخبرت والده ووافق هو الآخر والسبب في تلك الموافقة من والديه...هو مرض ام حازم الشديد وانها معرضة للوفاه في وقت مما جعلهما يوافقا بسهولة شديدة...فقد كانت ام حازم تتمنى ان تفرح بإبنها في اقرب فرصة متاحة....
اما في منزل رهف....فقد ذهب والدها الى المنزل
تبدو عليه الفرحة ولم يخبر رهف بما حدث بل انفرد بوالدتها واخبرها....
محمد: سلوى...رهف جايلها عريس
سلوى: ايه!!! ازاي؟ مين دة؟؟؟
محمد: واحد زميلها في الكلية...اكبر منها بسنة واسمه حازم...دة ابن رجل الاعمال احمد الفقي..
سلوى: بس رامي ابن اختي سبق وكلمني وانه عايز يخطب رهف يعني وانا كنت مأجلة الموضوع لبعد الامتحانات....
محمد: ايوة بس انا اعمل ايه دلوقتي...انا اديته معاد يوم الخميس اللي جاي الساعة 7 لازم نقابله وبعدين نشوف هنوافق ولا هنرفض وبعدين لازم ناخد رأي رهف
سلوى: اكيد رامي ابن اختي احسن...وبعدين انا مقدرش ازعل اختي مني بسبب رهف
محمد: وانا مقدرش ازعل بنتي مني علشان خاطر اي حد
سلوى: يعني ايه انشاء الله؟؟؟؟؟
محمد: يعني لو حازم انسان كويس ورهف بتحبه وعايزاه يبقى مش هعترض
تضايقت سلوى كثيرا مما حدث ولكن ما باليد حيلة....اخبرت روان بالموعد وطلبت منها ان تخبر رهف.....ذهبت روان لرهف...
روان: حازم حدد معاد مع بابا علشان يطلب ايدك منه...
رهف: بتتكلمي جد...مش قولتلك انه انسان كويس....
روان: اه...بس ماما شكلها كدة مش موافقة ومنحازة لرامي طبعا
رهف: رامي ايه بقى...انا متأكدة ان بابا هيوافق على حازم.....طالما انا بحبه وعاوزاه بابا مش ممكن يزعلني ...ولا انتي شايفة ايه؟؟؟؟
روان: اللي ربنا عاوزه هيكون...على العموم المعاد يوم الخميس الساعة 7
رهف: بس انا مكنتش اعرف انه هيكلم بابا بالسرعة دي
روان: دة شكله مستعجل اوووي وبيحبك بجد وخايف عليكي تضيعي منه
رهف: مش قولتلك يا روان دة ولد كويس اوي والله
روان: وانا قولتلك بدل المرة عشرة المشكلة مش في حازم ولا في بابا ولا في اي حد ..المشكلة في ماما...شكلها مش هتعدي الموضوع على خير..
رهف: تفتكري يعني......
روان: افتكر اووووي...انتي عارفة ماما كله الا انها تزعل خالتو منها...
رهف: وانا يعني ومشاعري مليش اي اعتبار عندها ولا ايه؟؟!!
روان: انتي ونصيبك بقى...ربنا يحنن قلبها عليكي ويسهل الموضوع دة...
رهف: ياااااااااااارب...علشان لو ماما رفضت حازم انا ممكن اروح فيها
روان: بس يا عبيطة متقوليش دة بعد الشر عنك...ربنا يقدم اللي فيه الخير....