[محمد أحمد كمال بسيوني]

المشاركة الأصلية كتبت بواسطة meslmat

" مثل الطبيب الذي درس 7 سنوات جامعية "؟

طيب يا أستاذ وبتقارنه ليه بالمعلم ما تقارنه بخريج دبلوم صنايع ودبلوم تجارة اللي دخل الضرائب وهيئة قناة السويس ولا حتى اللي شغال في وزارة المالية ولا أقولك خلينا في البترول ولا حتى الغاز تحب أقول لسعادتك بداية من كام ونهاية كام هو الأساسي ما يختلفش كتير ولكن حوافز وبدلات بتعمل فارق كبير

وبالنسبة لمكافأة نهاية الخدمة أقدر أقول لسعاتك مثلا 36 سنة في التربية والتعليم وتخرج على درجة مدير إدارة تعمل لسعادتك 36000 جنيه فقط لا غير يعني حتى مش محصلة تمن عربية جديدة تغنيك في آخر أيامك عن المواصلات

كل ده وبتكلم عن قطاعات حكومية

كل واحد بيتكلم عن المدرس عينه بتقع بس على الدروس الخصوصية فقط لا غير لعلم حضرتك احنا وزميلي كتير من المدرسين المتعنيين جدد السنة ديه مش عايزين دروس وقرفها نفسنا نشتغل في المدرسة بس ووقتنا كله ليها ولو عايز أقول لحضرتك يعني وقتك كله للمدرسة ده موضوع عايز مناقشة تانية ابقى اعمل موضوع عن حلم كل مدرس بالمدرسة التي يحلم بها

أنا لما بقول إن ليك حقوق لم أكن أقصد مادية فقط ولكن وضع سعادتك الاجتماعي اللي بقى في الحضيض

زائد القوانين اللي بتحكمك من ناحية التقييم التي لم تدع مجال لكثير من المعلمين إلا للفبركة

كل اللي بطالب بيه حاجات بسيطة حمايتي كمعلم من قبل الوزارة وتكون خط دفاع أول لي وعن حقوقي وتضع أيضا معايير لي وحقوق وواجبات

والتدريب على ممارسة الواجبات قبل الحقوق

على ما أظن أن هذا ليس بكثير على المعلم