"ممكن جعل مساحة من الخصوصية للاسرة"
اكيد كل المساحه عندك
شكرا
"اى اسم لم افهم مقصد السؤال"
العبد الفقير إلى الله
اه انت قصدك الصفة مش الاسم
شوفى يا ستى ...احنا لما دخلنا الموقع صوت الحق طلب مننا نساعده فى الادارة وفوجئت به وضع تحت اسمى مشرف ثم مشرف اقسام الرياضيات ثم موجه عام الرياضيات ثم عضو مجلس ادارة ...وانا اصلا مش من النوع اللى بيحب الالقاب ....وطلبت منه كذا مرة يشيلها ويحط مكانها العبد الفقير الى الله لكنه رفض وقالى ما يصحش طالما انت داخل الادارة يبقى لازم تاخد الالقاب دى على الاقل علشان الصلاحيات بتاعتى على الموقع
وفى الفترة دى فى ناس معانا على الموقع ربنا يهديهم كانوا حلمهم يتكتب تحت اسمهم مشرف 
مش عارف ايه الميزة الصراحة اللى هياخدوها لما يتكتب تحت اسمهم مشرف
المهم الناس دى كانت كل شوية تعترض وتقول اشمعنا انا اللى معايا صلاحيات ومكتوب تحت اسمى كذا وكذا
بيفكرونى بابن اختى لما كان بيقول عايز من دة
رجعت تانى وطلبت من صوت الحق يشيل الصلاحيات ويشيل الالقاب المكتوبة تحت اسمى ..لكنه رفض للمرة الثانية ..وكان ليه وجهة نظر وقتها انا احترمتها
وفى فترة كدة حصل فيها توتر فى الادارة وتضارب فى الاراء بين الادارة وشركة هايل صاحبة الموقع
وفوجئت ان شركة هايل وممثلها بيتكلم معانا اكننا شغالين عنده وبيدينا مرتب ..وكانوا فاكرين ان الالقاب اللى تحت اسمنا شرف لينا انه يبقى مكتوب وحلم ما كناش نتوقع تحقيقه
ساعتها كان ردى حازم جدا وقلبت على الوش التانى ولو دخلت ملفى الشخصى هتلاقى اشارة من شركة هايل لى باستخدام لغة بذيئة ...طبعا ما كانش فى الفاظ خارجة ولا حاجة ..بس وقتها فى ناس اتروقت منى
ووقتها حطيت شروط للتعامل مع الموقع علشان الطلاب بس
كان منها انه يتم حجب جميع الاقسام عنى عدا اقسام الرياضيات ..ودة يفسر اختفائى لفترة طويلة عن باقى اقسام الموقع
وكان من الشروط حذف جميع الصلاحيات منى والالقاب وكتابة تحت اسمى
العبد الفقير الى الله
وكان منها ان مفيش حد من شركة هايل له تعامل معايا من قريب او من بعيد
وحاجات تانية كتير
ومن ساعتها وبقى صفتى العبد الفقير الى الله
وعلى فكرة انا لى عضوية تانية باسم ( العبد الفقير الى الله )
"افضل اعلامي بوجهة نظرك في الساحة الحالية"
حمدى قنديل
معرفوش
مين ده هو في الساحة حاليا
اه طبعا دة اكتر اعلامى انا شايفه بيفهم اللى بيقوله حتى ولو اختلفت معاه احيانا
دة صاحب برنامج قلم رصاص
اعملى سيرش على اسمه فى يوتيوب
انا عيزة من الاعلامين بتوع اليومين دول
هو من اليومين دول ....اصل الباقين اشبه ببياع الجرايد بتاع زمان لما كان يقعد يقرأ عنوانين الاخبار علشان الناس تشترى منه
"زمان كان الاهلى"
ودلوقتي ايه
اللعبة الحلوة
"علامة الصلاة فى جبينه"
برافووووو
"ماهو اجمل اسم لولد واجمل اسم لبنت من وجهة نظرك؟"
محمد ....مريم
مفيش هبة
انتى قلتى اسم مش شخصية 
.ماذا تفعل اول شيء اذا ربحت مليون دولار؟
هافضل اعد فيهم
يسلااااااام
ليه حضرتك ماكينةعد
ما هو طبيعى لازم اعد الفلوس اول حاجة ..هو فى حد ياخد مليون دولار ويمشى كدة من غير عد
اعتذار تريد ان تقدمه لمن؟
لرسول الله صلى الله عليه وسلم
عليه الصلاة والسلام
"شخص لاترفض له طلبا ..؟؟"
لايوجد
اه يا قاسي
لا مش قسوة ..الموضوع مرتبط بامكانياتى فى تنفيذ الطلب وهل هو موافق للشرع ام لا
فالبتالى تنفيذ الطلب لا يقف على شخصية الطالب
"مالذي يشعرك بأكثر قدر من الحرج...
لما واحدة تمد ايديها تسلم على وانا اصلا لا اصافح النساء"
اهو انا العكس وبتحصل كتير في العيلة
عشان كدة انا دايما بالجونتي
"ياااااااااااااااااااااااااااه الصورة دى كان فيها ناس كتير من المنتدى
بس للاسف مش عندى حاليا"
طيب هي فين دلوقت ممكن تدور عليها