[أ/اسلام المنياوى]

موافقة جدا على كلامك يامستر تصدقو بالله ياجماعة الشعب المصرى دة محتاج صهيونى يحكمنا اصلنا لا يعجبنا العجب ولاالصيام فى رجب زى مابيقولو

قدروا يوصلولك الفكرة دى

شعب مصر احسن شعب فى العالم واذكى شعب فى العالم واطيب شعب فى العالم

عمره مكان طماع و بيرضى بالقليل

وطيب بس مش عبيط يعنى محدش يقدر يضحك عليه

شعب مصر يا اختى هو اللى قام بالثورة واللى لغاية دلوقتى مش حاسس بالثورة يبقى نجحوا فى انهم يرجعوكم خايفين

الثورة كسرت حاجز الخوف

الثورة اضأت شمعة الحياة والطموح اللى انطفأت من زمان

الثورة كانت مطالبها عادلة وهدفها نبيل

صحت الناس وعرفتهم الحقيقة واصبحت رؤيتنا واحدة

كل الناس قالت مش معقولة كل ده كان موجود فى عهد مبارك حتى هو نفسه حرامى

الثورة فتحت عنينا

لكن للاسف هما عايزينا نغمض تانى ومنحاسبهمش ويبقوا بيعملوا لصالحنا وان قصروا هنشيلهم ونجيب غيرهم مفيش حد كبير عن المحاكمة واولهم حسنى مبارك لازم يتحاكم

واى حد فى الوزارة الجديدة غلط برده هنحاكمه هى دى الديمقراطية اللى الحكومة مش عارفها كل اللى عارفينه سلطات و نفوذ ومكانة اجتماعية ومنصب

لاء الحكومة لازم تعرف ان ده منصب كبير ومسئوليه كبيرة وغلطتها بمحاكمات وثورات ده مش بيشتغل شغلانه عادية دى حكومة وقرارات وسلطات واخدينها علشان يجيبولنا حقوقنا واللى مش قدها يمشى

المفروض الناس تهرب من المناصب دى مش تسعى ليها دى مطالب ناس وحقوق ومسئولية لازم يبقوا قدها

ولو هو نفسه شايف انه مش قدها يسيبها وهنشيله على راسنا لانه قدم مصلحة البلد على مصلحته الشخصية

انما يقعد وياخذ الكرسى من واحد اجدر منه واقدر منه على تنفيذ افكار وتطوير وخطط وميعملش حاجة ده يبقى حرام زيه زى البلطجى اللى مبيفكرش فى مصلحة البلد