[نقاء الروح]

ولأن الحياة مشوار متواصل

وإيماناً من خريجينا بأن الحياة تجارب تُنقل جيل بعد جيل

أحبوا ترك نصيحة مضيئة علّها تضيء طريق من هم قادمون بعدهم

لأنهم كانوا يوماً بحاجة لمثل تلك الكلمات ..

فكانت

بصمات على جدار الزمن

...

كل شئ بيجي بالإراده والتصميم
يمكن اتظلمنا
يمكن تعبنا
يمكن حزنا
لكن أكيد هنحقق اللي نتمناه
طالما أحنا عايشين لازم نحلم وأفضل حلم أننا نحلم بالمستقبل
والثانويه هي أول أختبار بيواجهنا في طريق المستقبل
فمن جد وجد ومن زرع حصد ولكل مجتهد نصيب

المياة

...

ماتهتمش بالصعب زياده عن اللازم يعنى بدل ماتزاكر الدرس فنص ساعه وتحل صعب فساعه(وده الواقع فعلا ان حل الصعب بياخد اكتر من المزاكره بمراحل وخصوصا لو هاتقلب فكل الكتب وعالنت وكده ) زاكر الدرس مره واتنين وتلاته لان السؤال ولا السؤالين اللى بيجوا صعبين فالامتحان بيبقوا من بين السطور مش من الكتب الخارجه او استنتاجيه من الشرح نفسه واتقانه فمش معقول اضيع اضعاف الوقت اللى هزاكره فحل الصعب و عشان سؤال ولا اثنين لو مزاكر صح فهستنتجهم
واقله اهتم بدليل التقويم وبكل كلمه فيه من اول السنه لان الصعب بيبقى منه ومش من اى كتاب خارجى
وماتزاكرش ماده على حساب ماده ادى كله حقه

بلالل

...

انا نصيحتى الحقيقة ان الطالب يعيش حياته من غير اى توتر او اى انفعالات وانه يعتبرها مرحلة زى اى مرحلة وانه يعتمد على نفسه كمان اكتر من المدرسين ويضيف معلومات لنفسه بشكل كبير خاصة فى اللغات
وانه يخصص وقت لهواياته عشان مش يمل ويزهق من المذاكرة


samar saad

...

اولا ربنا مع كل اللى هيدخلوا فى المرحله دى ويوفقهم
ثانيا
اقولهم يركزوا جدا فى الدروس لان التركيز فى الكلام اللى بيشرحه المستر عليه عامل كبير فى تثبيت المعلومه
وكمان يذاكرووا اول باول بعد ما يرجعوا من الدرس يذاكروه عشان يتثبت 100 %
ومينسوش دايما استمرار المراجعه على القديم عشان مش يتنسى كل ده هيرحهم جامد اخر السنه فى مراجعه قبل الامتحان لانها هتبقى للتذكر فقط مش للمذاكره
واهم حاجه انصحهم بيها ودى عليها عامل كبير جداااااااااا
انهم ميسمعوش لاى حد عايز يفشلهم ولا يسمعوا للناس اللى بتصعب الدنيا والثانويه العامه
لانه هيجى باثر سلبى على تركيزهم ومذاكرتهم
وميوتروش نفسهم وياخدوها كسنه او مرحله عاديه زى اى مرجله مش يدوها اكبر من حجمها
يعنى اهم حاجه التركيز وعدم التوتر او احباط النفس بصعوبتها لما يحسوا انها سهله هتبقى فعلا سهله

bebo_93

...

النصيحه الي هقدر اوجهها لاي حد داخل الثانويه
انه ميبصش علي الاشعات الي بتتقال ان الثانويه صعبه و و و و .... الخ
الثانويه سهله جدا وهيا في منظور الي يذاكر كويس يحصل علي اعلي الدرجات
وبمقدار مذكرتك وجهدك هتحصل عليه في اخر السنه
الثانويه غير المراحل الاخري الاعداديه او الابتدائيه

Free Love

...


اهم حاجه علاقتى مع ربنا يعندى ادعيه معينه وربع حزب قبل ماابدء مزاكرة دى كانت عاده مؤكده عندى
وغير انى بحب الخير لزمايلى كلهم وبادعيلهم عشان ربنا يكرمنى ويكرمهم
بالنسبه للمزاكرة ماكنتش مريحانى اوى بس انا نظام مزاكرتى كتابه وكل ماده بتختلف عن غير وكنت بحب مزاكرة بليل مكنتش باقدر اصحى بدرى يعنى نظام المزاكرة ووقتها ده كل واحد زى مايحب

ومواعيد دروسى كانت منسبانى لحد كبير ووموفرالى وقت كتير

mera_mar21

...

نصيحتي لكل اللي داخين ثانويه عامه انهم يذاكروا دروسهم اول باول عشان ده بيساعد عل فهم الحاجه اكتر عشان احنا لو ركناها مش هنفمها كويس وهنكرهها.
وميسمعوش كلام حد من اصحابهم اللي بيقعدوا يقولوا والله ما بنذاكر . بص سيبك من المذاكره وتعالي نلعب وتتلاقيه في الاخر مقفل كل الدرجات

النجمه الطموحه

...

1- الحرص علي قوة العلاقة مع الله و الايمان بان الله لن يضيع مجهودك و طاعة الوالدين
2 - لا تؤجل عمل اليوم الي الغد
3- تنظيم الوقت بطريقة مريحة دون اي ضغط
4 - المذاكرة اول باول و حسن الاستماع للمعلم و الالتزام
5- عدم التاثر بكلام الزملاء السلبي الذي يخفض من المعنويات و البعد عن رفاق السوء
6 - عدم الاستماع لاحاديث البعض عن شبح الثانوية العامة و ما يشابه ذلك من الاقاويل فهي دون اي مبالغة من اسهل سنوات الدراسة بل و احلاها ايضا
7 - عدم السهر طويلا و الابتعاد عن المنبهات اثناء الاستذكار لانها فعلا ادمان و تؤدي لنتائج عكسية

ningooooooo
...

اولا : لا تؤجل عمل اليوم الى الغد مينفعش ابدا واحد يكون اخد درس انهاردة والمفروض يذاكروا يقوم راكنه لحد تانى يوم بجد اكبر غلط مينفعش لازم الدرس يتذاكر فى نفس اليوم ويتذاكر كويس جدا
ثانيا:لازم الواحد يكون عنده ثقة فى ربنا وفى نفسه وانه يتعب اوى على قد ما يقدر ويبذل اقصى جهد عنده وربنا لازم هيكفؤه على قد تعبه دة
ثالثا: لازم الواحد ميخافش وياخد السنة على اعصابه دى سنة زى اى سنة فى الدنيا بلاش رعب ولا خوف ولا قلق مش لازم نتعامل معاها على انها بعبع عشان الخوف دة عمره ما هيخلينا نحقق حاجة ابدا ومش معنى كدة ان يكون عند الواحد لا مبالاة لا مش قصدى كدة قصدى نخاف الخوف الطبيعى اللى يطلع لقدام مش يرجع لورا
رابعا: ودى اهم حاجة لازم محدش يخلى مذاكرته تبعده عن ربنا انا كنت ساعات مذاكرتى بتخلينى اقصر من ناحية ربنا كتير بس اكتشفت ان بتقصيرى دة عمر ربنا ما هيباركلى فى مذاكرتى ابدا

تقى 93

...

فى بداية الثانوية - قبل المرحلة الأولى - لازم انت اللى تحدد وجهتك يعنى مفيش حاجة اسمها ادخل علمى وبعدين اشوف المجموع او مثل هذا الكلام لازم تكون محدد وجهتك من البداية يا علمى أو يا أدبى وللأسف دى غلطة انا وقعت فيها .
ثانيا لازم يكون فى تنسيق مع العائلة فى المنزل ولا اقصد بالتنسيق انهم هما اللى يختاروا لك لا اقصد هم اكثر خبرة واكثر دراية بالأمور ويمكنهم ان يظهروا لك مالم يكن فى حساباتك بسبب نظرتهم الأشمل ولكن فى النهاية وبعد ان تفكر فى جميع الحلول يجب ان تأخذ الحل الذى يرضيك انت وليس أحد أخر لأنه فى النهاية انت من سيذاكر وهذا فى النهاية مستقبلك - أيضا بالنسبة للمواد الأختيارية -
ثالثا : انا شخصيا كنت بحاول ابعد عن اى ضغط عصبى خصوصا خارج المنزل لأنه ستقابل أشخاص كثيرين لديهم نظرة سيئة تجاه المواضيع ويظهر لك الدنيا صعبة وسوداء وللأسف لا ادرى لماذا يفعل ذلك ؟ رغم ان الحقيقة أقل كثيرا مما يحكى عنها .
رابعا : دائما هناك وقت يعنى دى تعتبر أهم نصيحة أنه دايما فى وقت لكل شيىء بس تستفيد من الوقت بصورة كويسة يعنى من شهر 1 او 12 وخصوصا المرحلة الأولى ستجد الضغوط بتزداد ومعها ستشعر بأن الوقت سينتهى قريبا هو بالفعل كذلك ولكن مازال هناك وقت تستطيع ان تعدل فيه الكثير من الأمور
خامسا : الصديق وصدقنى ربما تجد هذه النقطة ليست مهمة لكن الصديق فى هذه المرحلة لديه مفعول السحر اما بالأيجاب او بالسلب يعنى شخصيا اعرف اشخاص كانوا من المتوقع لهم التفوق ولكن صديق سوء دمر كل شيىء وللأسف حتى ان ابتعدت فى سنه تالته النتيجة بتبقى مؤثرة جدا فلازم تاخد بالك من الأول والعكس طبعا صحيح

King99

...

أولا يذاكروا أول باول ومايسيبوش حاجة تتراكم عليهم
ياريت يحضروا الدروس قبل الحصص ولو قراءة علشان مايسرحوش اثناء شرح المدرس
مايهولوش موضوع الثانوية العامة علشان ماتبقاش سنة رخمة عليهم ،وياخدوها علي اساس دي سنة عادية بس المفروض يتطلعوا الاوائل فيها
ايام المراجعات يمشوا مع المدرسين في مراجعاتهم ومايغبوش من اي حصة وماينفصلوش عن المراجعات بحجة انهم هايرجعوا لوحدهم أفضل
أهم أهم حاجة الثقة في الله وحسن الظن فيه

رقية .

...


امممممم
والله نصيحتي لكل طالب / طالبة ثانويه
التحلي بالصــبـــر والاراده
اكيد كلنا عارفين سنتين كتييير ومحتاجين شغل ومجهود مش طبيعي
بس الصبر ان شاء الله ربنا هيوفقكو لكل خير
وذاكروا واعملوا اللي عليكو وادعوا ربنا

بإذن الله ربنا هيوفقنا جميعا
ودايمـا افتكروا : ان الله لا يضيع اجر من احسن عملا .


Basma52

...

►▒ مهما ﮜـان شعـﯘرك .. فلا تضعف .. بل ٳستيقظ .. و ٳنطلق ▒◄™

فيونكة فوشية

...

نصيحتي بقي انك تذاكرى كويس وتبدئى من اول السنه وتعملي اللي عليكى وبعدين سبيها علي ربنا
ولازم تتقربي من الله بالصلاه وتطيعى والديكى وتكتري من الدعاء لان الله يحب العبد اللحوح

سها نور

...

اولا /
لازم يلتزم بالصلاه ويقرا كل يوم ولو صفحه واحده من القران
ثانيا/
انه دايما يفتكر انه مش هوه بس اللى بيتعب لا ده فى امه وابوه كمان يمكن
يكونوا بيتعبوا اكتر منهم وانصحه انه يبتعد عن المحبطين لانهم كتير اوى
واخيرا لازم يعرف ان اللى بيذاكر عمره ما هيتساوى مع اللى ما ذاكرش
ومهما حصل لازم نعرف ان ربنا مش هيوفقنا غير للخير .

إيمان عبد ربه

...

(عليكم بالثقة فى الله اولا ثم فى انفسكم
والبعد ان اى شخص يحاول تثبيط همتكم
واعملوا جاهدين لتحقيق هدفكم)

Habiba Hamdy

...

أول حاجه انهم يبدأوها بجديه من الأول علشان ميندموش في الاخر بس برضو مش معناها انهم يحبكوها على نفسهم وفي الاخر يزهقو
وتاني حاجه انهم مايسمعوش اي كلام من اي حد من اصحابهم اللي بيقولو انهم مابيذاكروش او محبطين او غيره
وفي الاخر الثانويه دي حكاية نصيب
وربنا يوفق الجميع

HAGOOOORA

...

1. للي هيدخلوا 1 ث .. لو ناوي بجد على كلية من كليات القمة و بتحب المذاكرة الكتير و المواد العلمي ( أدخل علمي )
غير كده و نظام هجرب و كده يبقى أدخل أدبي من تانية أحسن ( زيي كده )
2. ثانية و تالتة ثانوي
ماتسمحش لحد انه يحبطك او يقلل من قدراتك و شوف هدفك و ملكش دعوة حد و والله هتوصل بس انت ثق بربنا و حافظ على علاقتك بربنا
و ماتبصش للي حواليك بمعنى فلان خلص كذا و انا لسه
ممكن اه تتنافس معاه بس اعرف انك غيره يعنى ليك جدول معين و طرق مذاكرة معينة تختلف عنه و حت لو سمعت انه خلص المناهج فى اسبوع ملكش دعوة بيه ولا تتوتر طالما انت ماشي على الجدول بتاعك صح
و كمان ماتربطش نفسك بمجموع معين او كلية معينة انت اعمل اللى عليك و اعرف ان ربنا مش هيضيع تعبك ... حط لنفسك هدف اه و حاول تحققه بس ماتقيمش نفسك .. اوعي تقيم نفسك و تقول انا مش هنفع غير في كذا ..

Mahmmed.Helmy

...

1- الثقة بالله عز وجل ثم بالنفس من أهم عناصر النجاح والتفوق الدراسي وان يبدأ المذاكرة والامتحان بذكر الله تعالى وإذا فشل في الحصول على درجة النجاح بتفوق فيجب أن لا يقعده ذلك عن العمل وإنما يجعل من الفشل طريقا للنجاح

2_ طاعة الله والوالدين فطاعتهما هما طريق التفوق والنجاح

3_ لا تياسوا اذا فشلتم ولكن انهضوا من جديد لتحققوا ما تهدفون اليه .

4_ عليكم بالصبر والجد والاجتهاد ولا تؤجلوا عمل اليوم اللى الغد .

5_ أن يتبع الطرق التالية في المذاكرة :- أ – القراءة بعمق . ب – التسميع . ج – المراجعة . د - التلخيص يجب عليكم الحفاظ على الجو الأسري هادئا ومريحا من خلال إقامة العلاقات الطيبة مع كافة الأفراد في الأسرة

_6 يجب على الطالب عدم الاهتمام بعدد المرات التي أنهى فيها المقرر وإنما بمدى استيعاب وفهم المادة .

7- الاستذكار جيدا والبعد عن المشاكل النفسيه التى ترهق الطالب .

8_ التنافس مع الذات والنفس لتحقيق المراد والنجاح .

9_ يجب عليكم اداء الصلاة فى اوقاتها حتى يرضى الله عنكم .

10_ لا تحزنوا اذا لم تحققوا ما تهدفون اليه بل افرحوا وقولواا الحمد لله فالله لايضيع اجر من احسن عملا

توووتة

...