اقتباس:
المشاركة الأصلية كتبت بواسطة mayar1505
السلام عليكم و رحمة الله و بركاته
يا جماعة انا عندي مشكلة و نفسي تساعدوني احلها لأني تايهة اقوي
انا من الناس الي المفروض يتعينوا بالفعل قريب في التربية و التعليم و اسمي كمان نازل من ضمن الي هيتعيتوا في الجامعات ان شاء الله
امبارح كان عندي مقابلة للسفر للكويت و الحمد لله ربنا وفقني و نجحت علي الرغم انهم بصراحة عصروني في بعض الأسئلة لكن مشي الحال الحمد لله
المشكلة اني لازم اقدم اصول الورق يوم الأحد في الفندق و انا حاسه اني مش مرتاحة و هزعل قوي لو راح عليا التعيين سواء في المدرسة او الجامعة لأني طبعا انا مش ضامنة اني هارتاح هناك انا حتي اول ما رحت في الفندق و دخلت اللجنة حسيت ان التعامل كان صعب قوي كأني جايه اشحت منهم و ده حزني قوي و خلاني زعلانة و مش حاسه بطعم الفرحة في ناس بيقولوا اكبر دماغي من كل حاجة و اسافر و انا صليت صلاة استخارة بس لسه مش مرتاحة اني اسافر علي الرغم من مغريات السفر انا مش عارفة اعمل ايه كان نفسي تبقي ولدتي معايا الله يرحمها لأنها كانت هتقولي علي الافضل و الي يريحني انتم رأيكم ايه ايه الصح استني و مأقدمش ورقي لحد ماأشوف التعيين و أجل السفر و لا اسافر و يحصل الي يحصل ياريت يا جماعة تفيدوني يمكن في ناس عندها خبرة تساعدني و تقولي الصواب ايه
|
بصى يا ميار يا غاليه اعتبرينى زى اختك بصي انا برضه جانى اتعين مدرسة علوم فى سلطنه عمان وبعد ما خلصت التوثيق ودفعت فلوس أد كده والله سبتها اولا خفت عشان انا هبأه لوحدى فى الغربه وثانيا اهو الحمد لله هنتعين قولت اصبر واشوف اللى هيحصل وانا مش ندمانه على رفضي السفر هنشوف السنه دى فيها ايه وبعدين اقدم ان شاء الله تانى فى نص السنه والمسابقات كتير والرزق اللى ربنا كتبهولك هتشوفيه فكرى شويه هتلاقى كلامى صح