[د.عبدالرحمن المنياوي]

بصوا يا جماعة علشان الناس تبقى عارفة آخر تطورات الموضوع ..

الكليات بعتت الورق للأكاديمية .. والأكاديمية رجعت بعض الكشوف لبعض الكليات للتعديل فيها ..

والكليات ردت .. بالتعديل .. علشان كان فيه ناس من العشرين الأوائل اتعينوا بعد كده كمعيدين في إعلانات تالية .. فقامت الكليات بوضع المراكز 21 و 22 و23 حسب الاحتياج .. وده التعديل اللي حصل ..

ثم أن الاكاديمية بالفعل قامت بارسال الكشوف للتنظيم والادارة بس التنظيم والادارة مش عاوزة تعلن ده عشان الناس لا يتدافعوا عليهم..

أمال إيه اللي بيحصل دلوقت .. عدد الناس اللي هيتعينوا 43 ألف واحد .. الجامعات بعتت احتياجاتها .. من وظائف الكادر العام والكادر الخاص .. وظائف الكادر الخاص سيتم تحويلها للإعلان عنها ليتقدم عليها حملة الماجستير والدكتوراة .. ووظائف الكادر العام تضم لوظائف تعيينات الأوائل .. وبكده :

تعيينات الأوائل بالتكليف أما حملة الدرجات العليا فتعيينهم هيكون بالإعلان..

والأوائل سيتم تسكينهم كالآتي في وظائف إدارية (كادر عام) في أماكن حسب التخصص مثل :

أماكن الكادر العام في الجامعات (وهي الأماكن التي ذكرناها منذ قليل) .. المجموعات البحثية التابعة لوزارة الصناعة .. مديريات الخدمات المختلفة..التربية والتعليم .. المعامل والمصانع التابعة للحكومة ..

الكلام ده لغاية إمتى ؟؟

المفروض دلوقت التنظيم والإدارة عندها الدرجات المالية بس هي بتتلقى طلبات الاحتياجات من المديريات المختلفة أول ما تكتمل الوظائف 43 ألف سيتم الإعلان عن ذهاب الأوائل لمديريات التنظيم والإدارة كل حسب محافظته لكي يملاأ رغباته حسب الاحتياجات والأماكن المتاحة له .. واللي يروح يدخل بالقرم القومي أو حد يروح بتوكيل رسمي بالنيابة عنه .. والموضوع ده ممكن يكون في 15 أو 20 يوليو يتم الإرسال للناس تروح تملأ الرغبات ..

وياريت محدش يسألني هيتعين فين لأني مش انا اللي باعين الناس .. هههههههه