أخى الفاضل Tham 1010
الله يبارك فيك ، ويااااااااااارب عقبالك بس تكون كل الموديولات 100% بإذن الله ،
بس يا سيدى أولا فى شرح للموديولات عبارة عن حد بيجاوب عن الأسئلة ويشرح الإجابة ، لكن للأسف اسمه مش معروف ، بس بيساعد كتير كنت بسمع الشرح تقريباً مرتين لكل موديول
وبسجل فى ورقة خارجية أى حاجة مش فاهماها من الشرح بتاعة أو مش عارفة جاوبها كده ليه
وبعدين فى امتحانات محلولة كتيررررررة موجودة على النت لكل موديول كنت بذاكر الامتحانات دى أكتر من مرة ، وطبعاً الأسئلة بتتكرر من نموذج للنموذج التانى، وبرضه اللى مش بقدر افهم الإجابة كانت ليه كده بسجله فى ورقة
وفى الآخر فى كل موديول كنت بجمع الأسئلة اللى مش فاهماها وبسأل فيها أستاذ telnet - 2007 وبصراحة ربنا يجازيه خير فادنى كتير جداااااااااااا
وبالنسبة لأفضل نماذج لامتحانات المجابة اللى انا استفدت منها كتير نماذج أحمد الشافعى، وتامر الحسينى، وأحمد ياسين ، و
Mr. Ahmed ABo SREE3 لكن لو مش عندك وقت كتير ممكن تكتفى فى رأيى بنماذج الشافعى والحسينى
والشافعى له موقع على النت مجمع فيه كل الموديولات بتاعته ممكن تحملها منه، وعموماً أعماله موجوده على مواقع كتير جدا إن شاء الله هتلاقيها بسهولة
ونصيحتى تركز على الامتحانات جدااااااااااالأنها تقريبا بتتيجى بالضبط زى النماذج الفروق أقل من 1%
وبتكون فى صياغة السؤال لكن مش فى مضمونه أو فكرته
آه على فكرة أنا امتحنت فى مركز التعبئة والإحصاء اللى جنب نقابة التجاريين فى العباسية ، ومن هناك خدت مادة ونماذج كويسة جدااااااااااا فى منها للشافعى والحسينى ولأساتذة تانيين ، وفيها الشرح اللى قلتلك عليه، وكمان فيها ملفات للأسئلة الجديدة فى كل موديول ، بتاخد بس فلاشة ، وتديها للموظف المسئول عن لامتحانات وبتقوله أنك عاوز موديولات الأى سى دى إل بيحملهالك كلها
ربنا يوفقك وإن شاء الله نسمع عنك كل خير
.
|