اقتباس:
المشاركة الأصلية كتبت بواسطة ضياء الصباح
جميل أن تقول رأيك ولكن ليس من الجمال أن تحاول تسيير الموضوع ليتفق مع رأيك
وياريت تذكر السبب الحقيقى لمظاهرات أمس كى تكتمل مصداقية الحوار؟
منذ متى ومظاهرات مصر فى الماضى والحاضر تقتصر على 3أو 4ألاف
تعودنا عشرات أو مئات الألاف أو الملايين
فقط عندما يكون الهدف طيب وعام وواضح للجميع
راجع كلماتك ستجد أنك جمعت من كانوا بالتحرير فى طلبة الجامعة الأمريكية المحترمين
ومن كانوا يقومون بنقل المصابين
هم أصحاب الموتسيكلات الغير متحضرين لأنهم يرفعون صوت الأغانى الشعبية
ميدان التحرير فى نظرك شعبى أم خاص؟
لاتنقل كلام بهذه الخطورة لمجرد أنه يتفق مع رأيك تجاه الشرطة
كلنا كرهنا بعض رجال الشرطة
فهل معنى ذلك أن نقضى على الجميع ؟
أنت تكره مدرس فى مدرستك فهل نحرق المدرسة كلها لذلك
فلنتقى الله جميعا
وليهدنا الله جميعا إلى الرشاد
شكرا لكم
|
حضرتك بتهاجمنى لكن انا لما كتبت الموضوع اقسم بالله انا ما كنت بهاجم حد و لا كنت ضد حد انا ضد أستخدام العنف عمتا و انا فى الأخر لما كتبت قلت انا كتبت بتسرع و كلامى مش منظم لكن كان نفسى اوصل لكم الصوره اللى انا شوفتها و لأنى كنت زعلان من اتهامنا بالبلطجه و كنت غاضب و انا بكتبه أنا عمرى ما أعيب على حد لأنه فقير او شعبى او اى شىء انا اصلا لما نزلت التحرير قلت علشان اشوف بنفسى و اتأكد من اللى بيحصل و أساند الصح مهما كان وزير او غفير !!..... حضرتك يوم 25 منزلناش بالملاين كنا حوالى 200 الف فى كل المحافظات و مع ذلك مصر كلها نزلت بعد كده.. حضرتك بتشوف المظاهرات ديه صح و لا غلط من العدد مش من الأهداف !!! معنى ذلك لو تجمع 500 الف واحد بيحبوا مبارك حتقول دول كتير دول الصح و نقف معاهم؟؟! حضرتك انا و الله نزلت لأنى سمعت ان الأمن ضرب اهالى الشهداء و بعدين قالوا دول بلطجيه قلت ان الأعلام زى ما هو بحب التضليل اوعى حضرتك تفتكر ان الأعلام اتغير للأسف هو زى ما هو.. مضلل من زمان اوى من ايام 67 لما اتقال اننا خلاص احتلينا اسرائيل و العكس هو اللى حصل ! و اخر حاجه عايز اسئل حضرتك سؤال بوجه عام حضرتك شايف الشرطه رجعت فى اماكنها و الامن رجع و كله بقى تمام و احنا دلوقتى بنهاجمهم و هم مظلومين !! لأ الشرطه مرجعتش و متغيرتش و للأسف الوزير الجديد تقريبا خايف منهم .. ما يبنى على الفساد حيكبر بفساد .. لازم تبنى على نظافه ! انا أسف على التطويل و أسف لو كان اللى وصل لحضرتك فكره غلط كلنا بنحب مصر و كله خايف عليها و عايزلها الاصلح بطريقته .. و كما قال الرسول صلى الله عليه و سلم :" من قال هلك الناس فهو أهلكم" .. يعنى اللى بيقول مفيش فايده يبقى مفيش فايده فيه هو .. و احنا شعب باذن الله حنبنى مصر من جديد