اقتباس:
المشاركة الأصلية كتبت بواسطة CAn u see me
السلام عليكم
انا بجد بشكر كل الاعضاء اللى هنا اللى كانوا اكتر من اخواتى
مش عاوز اقول اسماء علشان منساش حد
بس انا اتصدمت بنموذج الاحياء وقررت انى مش هكمل حلمى للاخر وهقف لحد كده
انا مبسوط انى اتعرفت عليكم
بس انا بجدفى حالة صعبة ومش عارف اعمل ايه
شكلى هموت من الحسرة
ابقو افتكرونى
عبده
|
عبده..
بطل كلام أهبل..
حلمك موجود يا بني.. اتصدمت في نموذج الأحياء؟؟
وأيه يعني.. لسة عندك مادة أدبية تقفلها بعون الله.. ومستوى رفيع 5 درجات كاملين.. بجانب توقعات نزول التنسيق..
ده بجانب أن التصحيح حيبقى كويس بعون الله.. مع مجموعك السنة اللي فاتت..
المعادلة دي نطلع منها بنتيجة واحدة:
إن حلمك موجود.. وموجود بالأوي كمان..
عبده.. نهدى كده عشان نقفل مادتنا الأدبية.. ونجيب الحد الأقصى اللي نقدر عليه في المستوى.. والباقي على ربنا..
وبعدين يا عم متقلقش أنا مشوفتش حد بيقول أنه حيقفل الأحياء غير العباقرة اللي إحنا مش منهم.. يعني حتى لو نقصت أنت كتير.. الفرق مش حيبقى مهول بينك وبين الباقي اللي ممكن يكونوا خرفوا في مواد تانية أنت كنت كويس فيها.. يعني حيحصل توازن..
متقلقش.. واستهدى بالله كده.. ولا أنت باينك خفت أني أقطعك في البلايستيشن وعامل كل ده عشان كده؟؟
لا يا عم خلاص حسيبك تغلبني..
بس أعقل..
ربنا يوفقنا يا رب جميعًا للي عايزينه وللي يحبه ويرضاه..