انا بقى رأيى المتواضع ان معندناش امتحان تاريخ تافهه من يوم ما درسنا تاريخ او من يوم ما درسناه دايما أمتحان التاريخ بيبقى فى نقط بيحصل عليها جدال بين المدرسين فما بالكم بالطلبة والامتحان فعلا فيه انقطه او اتنين او قد يكون تلاته حصل عليهم جدال وده رأيى فيهم
ده بقى رأيى المتواضع فى الامتحان : أ/ أحمد ابراهيم
أولا معندناش أمتحان تافهه فى التاريخ او مطلق السهولة غالبا ما بيكون فى بعض النقط البيحصل عليها جدل اول ممكن انها تحير واليكم النقاط السببت بعض الحيرة لدى الطلبة اولا :
1- فى سؤال ضع علامة صح أو غلط ( اول من تصدى للصليبين عماد الدين زنكى ) وفكر بعض الطلبة انهم ممكن يكون قلج ارسلان ومش عماد الدين زنكى والاتنين اجابات منطقية بس الخلانى اتجه ان العباراه صحيحه هو انه رجع بعد كده فى سؤال ما النتائج المترتبة وسأل عن الحملة الصليبيه الاولى وصعب انه يسأل سؤالين فى حملة صليبيه واحده ( الحملة الاولى )
2- بردو فى صح وغلط النقطه السادسه : ( سيطر الاستعمار على الوطن العربى من المحيط الى الخليج منذ عام 1914 والمفجأه بقى انه العبارة خطأ لانه حسب نص كتاب الوزارة سيطر الاستعمار على الوطن العربى من المحيط الى الخليج منذ عام1914 ماعدا قلب شبة الجزيرة العربية والحجاز وسوريا ولبنان واليمن
أما بقى عن نجاح نابليون فى كسب تأييد المصريين كان من خلال المنشورات الوزعها على المصريين فور قدومه والكسب بها تأييد المصريين ولم يغضب السلطان عندما أعلن احترامه للدين الاسلامى وانه ما جاء الا ليخلص المصريين من المماليك
والنقطه الثانية انه اشرك المصريين ولأول مره فى حكم بلادهم عن طريق الدواوين والتى استعان فيها بالعلماء والاعيان نظرا لشعبيتهم ومكانتهم لدى الشعب
|