عاوز أقولكوا حاجة
الأشخاص بالأفعال لا بالأقوال
إحنا بحاجة لإمام عادل فعال لا قوال
عاوزين واحد مسك مؤسسة بالفعل فى ظل الفساد اللى كان موجود و أنجز فيها فى صمت من غير "الشو" اللى بيعمله كل منافق زى معظم مرشحى الرئاسة الحاليين
(ملحوظة
كل اللى بيقول إن البرادعى عارض و ندد بأمريكا فى غزوها على العراق بيقول إنه قال كده قدام العالم كله يبقى مش عارف كل الحقيقة
كل تصريحات البرادعى المضادة لأمريكا كانت بعد الغزو بس قبل الغزو
كان المستشارين و المفتشين العلميين بيصرحوا إنه مفيش دليل على أى نشاط فى برنامج العراق النووى و البيولوجى
و قدموا تقارير للبرادعى بكده
و لكن البرادعى فى تقرير المفتشين النهائى وضع 3 برتوكولات بتهدم كل اللى قالوه المفتشين و اللى طبعا إتحجج بها بوش و من بعده كولن باول فى مجلس الأمن منهم:-
1-عدم إصدار مجلس الشعب العراقى أمره بإيقاف البرنامج النووى
2-عدم التأكد من قيام العراق بإعدام جميع الرؤوس البيولوجية و النووية التى كانت محملة فى صواريخ سكود
و كان فى برده أسئلة تانية بتهدم التقرير ككل و بتدى الحجة لأمريكا لإحتلال العراق على الرغم من إن البرادعى ليس له أى معرفة تقنية بالتفتيش عشان يحط الأسئلة ديه و يضعف من موقف تقارير المختصين
إما بالنسبة لتصريحات المعارضة فهى تأتى من باب الدبلوماسية و لا تدل على شجاعة رجل من المفترض إنه هيمر بالفترة القادمة بمواقف تحتاج الحسم و الحزم فيها
من رأيى ان البرادعى لا يستطيع رئاسة مصر بغض النظر عن أى سبب تانى إلا لسبب واحد بس و أرجو إن الكل يتأمل و يفكر فيه:-
لإنه أضعف من إنه يقول" لا" شجاعة حقيقية للغرب
و الفترة الجاية مفبهاش مكان للضعفاء
إما إن البلد ده عشان تتقدم إن يمسكها اللى يحدد الخطوط الحمراء قدام الجميع و يكون شجاع فى حمايتها
و إما هتبقى فوضى
عاوز تعرف الراجل ده أكتر و دوره (المائع) فى العراق شوف الرابط ده:-
و دور عن فى النت
نص تقرير الوكالة الدولية للطاقة الذرية الذى كتبه البرادعى ضد مصر
تقرير البرادعى عن سوريا
تغافل البرادعى عن توصية مجلس الأمن بتفتيش المنشآت الإسرائيلية
و ده رابط لوثيقة ويكيلكس المهمة جدا اللى بتكشف دور أمريكا النافذ فى التغيير من خلال حركة 6 إبريل "حسب التقرير ده ممكن نقول إن حركة 6 إبريل و اللى منهم المشاركين فى إئتلاف الثورة معظمهم جواسيس تحت غطاء دبلوماسى بينفذوا سيناريوهات الشرق الأوسط الكبير"
http://wikileaks.ch/cable/2008/12/08CAIRO2572.html
الوثيقة ديه بتتكلم عن تخطيطات حركة 6 إبريل و الإجتماعات اللى حضرها بعضهم فى أمريكا لتغيير النظام من 2008 يعنى ثورة 25 يناير ثمرة خطط أمريكية تم إستغلال شبابنا فيها من أكثر من 3 سنين
لو حد دور أكتر فى وثائق ويكليكس المسربة من السفرات الأمريكية و منها سفارتها فى القاهرة ممكن يلاقى من الكلام ده كتييييييير
معلش فى سبب تانى نسيته لرفض البرادعى:-
أنا مقدرش أستحمل نفسى إن أشوف الخلقة ديه فى الفصل أو الجامعة كل يوم فى صورة رئيس الجمهورية
ده أنا أنتحر
آسف مقدماً على الصورة