السؤال كان كالآتي :-
ch3cooh + h2o ------------> ch3coo- + h3o+
الأول خلينا نفسر اللى حصل انتي عندك تأين حمض الأسيتيك فى الماء .... ادانا ايون الاسيتات وايون الهيدروجين ( اللى مش بيوجد منفرد فى محاليل الماء عشان بيعمل رابطة تناسقية ويدينا الهيدرونيوم )
* كيف تؤثر كل من التغيرات التالية على تركيز أيون الأسيتات مع التفسير :-
1- إضافة قطرات من حمض الهيدروكلوريك
إضافة قطرات من حمض الهيدروكلوريك تزيد من تركيز ايون الهيدروجين ( نروح لقاعدة لوشاتيليه اللى بتقول ان التفاعل هينشط فى الجهة اللى هتلغى هذا التأثير ) يبقى هينشط فى الاتجاه العكسى .... يبقى يقل تركيز أيون الأسيتات .
2- إضافة قطرات من محلول هيدروكسيد الصوديوم .
إضافة قطرات من محلول هيدروكسيد الصوديوم يمد المحلول هنا بأيون الهيدروكسيل اللى هيتفاعل مع أيون الهيدروجين ويكون ماء يعني هيقلل تركيز أيون الهيدروجين ( ينشط التفاعل فى الجهة التى تلغى التأثير ) يعني ينشط فى الاتجاه الطردي ... يبقى يزيد تركيز أيون الأسيتات
أتمنى اكون جاوبت صح