اقتباس:
|
بس انا كنت عايزة اسال يعني مثلا انا لو مثلا جيت في سنة اولى بعد اعدادي وقلت مثلا انا عايزة ادخل هندسة طبية هيقولوا ليا لا مش موجود عندنا حولي ولا ايه النظام ولا هيقولوا مش موجود ومش في تحويل وادخلي اي قسم تاني لو كان عاجبك ؟؟
|
مش بقوللك قلبك ابيض:D
المفروض انك اساسا سألتى القسم اللى انتى عاوزاه موجود فى الكلية ولا لع
وبالتالى عامله حسابك انك هتحولى اكيد
ده من حيث مبدأ التحويل من الكلية اساسا ولا لع
فرضنا جدلا انك خلاص مش لقيتى القسم اللى فى دماغك وعاوزة تحوليله
وخصوصا هندسة طبية
مثلا اقل من امتياز فى اعدادى يبقى تدورى على قسم تانى
عشان بس تخشى مرتاحة
ده غير السحلات الكتير والمرواح وتعالى بكرة
وعم عتريس بيحلق دقنه والكلام ده كله
غير ان فى الاف بيعوزوا يحولوا القاهرة و هى اصلا عددها كبير
يبقى هنخلص فى النهاية الى الواسطة المتينة
هتحدفك من غير اى حاجة على القسم
بس انا بقول واسطة متينة
مش مثلا معيد كحيان ولا حاجة تعرفوه
وانا عن نفسى نفسى احول القاهرة بس انا مشكلتى ان القسم موجود عندى بس هابط ومش يأكل عيش
بقوللك ايه ما تيجى عندنا حلوان
؟
عندنا اتصالات وهندسة طبية كمان:D
وعندنا جميع وسائل الراحة
كلمة اخيرة بس خشى هندسة الاول وربنا يسهل
عشان الامتحانات والتصحيح ساعات بيغدر
وحاولى تزودى عن 94% بقدر الامكان
عشان ما تجيش عندنا:D