[نقاء الروح]

موضوع جميل جدا ومهم جدا
وحضرتك ما شاء الله اجملته من كل النواحي
وعجبني

أعتقد أن مصر هى الدولة الوحيدة التي تنفرد
بشكوى الطلاب من صعوبة امتحانات الثانوية العامة والسبب في ذلك انتشار وسائل الإعلام وتسليط الضوء بشكل مكثف على امتحانات الثانوية العامة خاصة البرامج الحوارية ( التوك شو )

فاحنا للاسف ال خلقنا المشكلة وحولنا الثانوية لرعب مزمن ..
والحلول هتحتاج فترة زي ماحضرتك ذكرت
لكن مش مهم المهم اننا نبدأ فيها ..
واهم حلين من نظري الاول والتاني
فلو ثقافة الناس اتغيرت واتخلينا عن الطبقية فالكليات
هيخفف كتير وهيكون عامل مؤثر على ان الطالب يعرف
يختار ويحدد هدفه بعيد عن التعقيدات الموجودة
وسوق العمل بالتأكيد هيخلي الامور اسهل ..

وبالنسبة لنقطة الامتحانات
فده خطأ ناتج عن خطأ اخر
طول السنة الطالب يُلقن طريقة معينة وبأسلوب معين
ويتعود على النمط دا فلماييجي الامتحان بنفس المضمون
لكن بأسلوب تاني بيعتبرها البعض صعوبة !!
والاعضاء ذكرت نقطة مهمة للمدرسين الخصوصين
فيما يخص التوقعات والمذكرات نظام للاسف فاشل
واتذكر فامتحاني عربي 3ث وحدة خارجة زعلانة جدا وبتقول انا مش حليت اغلب الامتحان
بقولها ليه ؟! بتقولي المستر قالي اسيب الدروس دي ( ال هي جت فالامتحان )
واتوقع دورس تانية !!

والاهل اتمنى انهم مايكونش عامل ضغط عالطلاب يخليهم
يكونوا تحت توتر اكتر ماهم متوترين
واكيد كل اب وام نفسهم ابنهم يبقى احسن واحد فالدنيا
لكن فيه عبارة سمعتها من احد الاشخاص
( طموحات الاباء تتعدى قدرات الابناء )
فكل طالب له مكانه ال ينجز ويبدع فيه ودا المهم

وفالاخر هي مشكلة يشترك فيها اكتر من جهة
لازم كل الجهات تتعاون عشان التعليم يرتقي ونخلص من بعبع الثانوية ..

وانا بتمنى فعلا ان يجي اليوم ال اشوف فيه
الثانوية مرحلة كباقي المراحل التعليمية

شكرا لحضرتك عالموضوع الرائع