[just ag!rl]

فعلا صدق اللى قال*إن المصائب يجمعن المصابينا*
بالنسبة للامتحانات متهيألى الرأى فيها معروف .... no comment
لان لو فيه ردة فعل فلازم تكون مننا احنا....
متهيالى كل حد فينا اخد قلم جامد فى مادة مش توقع انها تيجى كدة .... بس اهى جت هتعملوا ايه؟؟؟؟
الامتحانات كلها مكتوبة يعنى مش تنفع تتغير .... فمادامت قدر اننا نمتحنها يبقي لازم نعمل اقصانا عشان مش نسمح لواحد زى اللى كتب الامتحان ده انه يوقعنا فى الدرجات
عن نفسي.... الحمد لله كدة الكميا والميكانيكا شكرا
يعنى طب ... مع السلامة
لو هنهار ناو يبقي بضيع كل حاجة
معنى كدة انى هضيع الباقي القليل اللى باقي ليا
مواد كتير الدرجات اتخسف بيها الارض بس وبعدين؟

لو عرفت تجيب رقم دكتور الطيب هتعرف تكلمه؟
بصراحة الدكتور بيعمل اقصاه عشان يلحق وعلى ما توصله الامتحانات هتكون خلصت
والنتيجة لو طلعت خلاص الدفعة دى هتكون امرها منتهى وهتعدى زيها زى اى دفعة وخلاص
لكن لوبعتن شكوى فى للى كتب امتحان الميكانيكا والكميا والفيزيا ..... هيتشال نهائيا وهنتعوض فى الدرجات
والطيب حذف من امتحان الفيزيا بالفعل .... يبقي ممكن فى باقي المواد اللى فيا شكوى يتحذف منها سؤال ويتوزع درجاته
حتى لو درجات قليلة هتفرق معانا فى المجموع

احنا دفعة الثورة .... كنت فاكرة انهم هيجيبوا امتحانات سهلة زى العام
بس للاسف كانهم بينتقوا مننا ليه مش عارفة

ياريت والله توصل للدكتور تبلغه باللى بيحصل سواء من الامتحانات ولا المراقبين

انا بمتحن مع 9 معاهد تقريبا ... كل بنات المحافظة بيمتحنوا معايا
بس لجنتنا متوصي عليها اوى مش عارفة ليه
المراقبين فيها انواع برده
مراقب بيتقى الله وغالبا حظه بيكون فى مادة سهلة مش مستاهلة غش
ومراقب مستعجل من اول دقيقة من قبل ورق الاسئلة ما ييجى *يلا يا ماما انتى وهى خلصوا بسرعة يا حلوين عشان عايزين نروح*
بيحسسنى انه عايز يشطب ويرش مية قبل ما يقفل الدكان
واول ما نستلم لورقة .... ها وصلتى للسؤال كام؟
فاضلك ايه اجيبهولك عشان تمشي
يلا يا ماما انجزى انتى قاعدة بتعملى ايه كل ده .... وكلام اكتر من كدة يحرق الدم
ولما قلتله فاضلي نقطة قالى *هانت اهى واحدة هتمشي عقبال الباقى*
!!!!
وطبعا العرض انه يجيبلي كلمة من بنوتة ورايا قائم فى اى لحظة حضرتى تؤمر مادامت *هتغور* بعدها
وطبعا حضرتى لا بتغش ولا بتغشش ولا بتسمح بغش قلتله سيبنى افكر وهجيبها
لما اخدت 3 قايق افكر راح سائل بنت و علانية بصوت جهورى *يا بنات الايجاز بحذف جملة هتكون لاية واذ استسقى موسي*
وبكل فخر جايلي *ها هتمشي؟
وانا نعم ؟؟؟؟
ما علينا
ومراقبين تانيين من اول ما يدخل اللجنة لحد ما يمشي يفضل يضحك فينا جامد .... وده نوع لذيذ اوى بالذات لو وقف علينا فى مادة رخمة
ونوع تالت يبقي مش عارفين بيسالوا فى ايه ولا ليه .... فى الشفوى تقريبا سمعت حديث واحد ومشيت لا معانى ولا اعرابات ولا يحزنون

وناس كتير بيراقبوا علينا ربنا يهدينا ويهديهم
مفارقات كتير وحاجات غريبة بتحصل فى للجان ... غالبة بتقلب بحوار مفتوح مسموح يه بتبادل الاراء
عادى
كنت فاكرة انى لوحدى بعانى من اللى عندى

الامتحان يا اما يكون سهل اوى بس طويــــــــــــل يا اما يكون عادى وبرده طـــويــــــــــــــــل ولازم يكون فيه حتة رخمة
يمكن لانجلش لحد دلوقتى يعتبر احلى امتحان .... بسيط وسهل يتقفل

نفسي يحسوا بالطلبة وبالضغط اللى عليهم من الاهل والكل اللى متوقعين منهم مجموع ومش مهم الامتحان جه ازاى ولا عملنا فيه ايه ولا طلعنا منه عاملين ازاى
والله ربنا اللى عالم بنروح بيوتنا ازاى
ولو مش جبنا المجموع المتوقع اللوم بيقع علينا احنا .... ولا حد بيلوم اللى حاطط الامتحان ولا بيراعوا ظروف ولا ضغوط نفسية

ياريت زى ما فيه اهتما بالعام يهتموا بالازهر شوية ..... كلنا طلبة والله


المهم ايا كان اللى فات انسوه مؤقتا وركزوا جامد فى اللى جاى عشان الدرجات اللى نقصت فى مادة ترفعها مادة تانية
دى اخر الاخبار من محافظتنا ....
حسبي الله ونعم الوكيل فى كل حد مش بيتقى الله فى بنى ادمين ربنا