[فتاة الاسلام]

المشاركة الأصلية كتبت بواسطة طمعانه في رضاك يارحمان

- قبل اسمك ماذا تحب أن تكتب ؟
لقب العيلة بتاعتى

2- حيوان تشعر انه مظلوم ؟
القطط كتير اوى بيصعبوا عليا لما بشوفهم فى الشارع بقعد فكر هما بياكلوا ازاى وبشربوا ازاى والحصان كمان شوفت ناس محملة حاجااات كتيرة اوى على ظهرة يمكن دول اكتر اتنين بيصعبوا عليا وبحس انهم مظلومين

3- حقيبة اسرارك عند من تودعها ؟
عند ماما طبعا وبابا وصديقتى


4- أحد علماء النفس قال ذات مرة : أنه باستطاعة الانسان العيش من دون اصدقاء .. ماذا ترى أنت ؟؟؟
لا طبعا عمرى ما اقدر اعيش من دون اصدقاء وعمرى ما اقدر استغنى عن صحبتى

5- أين تأخذك ذروة الغضب ؟
يعنى انا لو غضبت عادة مش بثور ولا اى حاجة بس عند غضبى بروح الروم بتاعتى واقعد لوحدى


6- ما أجمل شيء في الاسلام ؟
التسامح وحب الخير وانة دين يسر مش عسر

7- لماذا لم تصبح مشهورا ؟

مشهورة فين فى المجتمع يعنى؟_ هو انا مشهور اكيد فى بين اصحابى وعيلتى
انما لو تقصدى مشهور بين الناس واالمجتمع هقولك يمكن لانى لسة صغيرة مفيش حاجة عملتها تخلينى مشهورة
8- متى يعاندك النسيان ؟
يعنى مثلا انى المفروض اخد الموبايل وانا رايحة الجامعة انا بنسى كتير انى اخدة او انسى واخلية مغلق وطبعا ماما وبابا يقلقوا عليا
ولما بكون زعلانة من حد بفتكر انى ازعل بس لما بكلمة بنسى انى كنت زعلانة

9- متى يقسو قلبك ؟

لا عمرى ما كنت قاسية ومفتكرش انى ممكن اكون قاسية فى اى موقف
10- هل حدث أن انتصرت على نفسك يوما وأحصيت عيوبك ؟

لحد الان مش عارفة احدد كل عيوبى
11- ما هو انطباعك عن السياسه ؟

والله بما انى لسة متمحنة حاجات فى السياسة والدستور هقولك ان السياسة شئ مهم جدا فى كل المجتمعات وشئ مهم ان كل واحد يعرف سياسة بلدة وهنا فى مصر يمكن انطباع الناس الاول عن السياسة انها شئ فية ظلم واستبداد لكن لو كل واحد عرف حقوقة وعرفة الل لية واللى علية اكيد هنتغير للاحسن
12- متى تخجل من نفسك ؟
لما ازعل حد

13- في زمن البحث عن المادة ... عن ماذا تبحث أنت ؟

عن مستقبلى
14- ماهو هدفك بالحياة؟

اهدافى كتييييييير بس اولها انى انحج ان شاء الله واحدد مصيرى فى دراستى
15- ضمن من تصنف نفسك سلبي ام ايجابي؟
لا مقدرش احدد فى مواقف بحس ان ايجابية فيها وفى مواقف العكس

16- رتب هذه الكلمات حسب الافضليه لديك
الصحه_المال_الاولاد_الزوجه او الزوج_الحصول على اعلى المناصب_راحة البال

راحة البال_الصحة_الزوج_الاولاد _الحصول على اعلى المناصب

17- عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعل؟
انامن الاول لما بشعر ان النقاش مش هيحل شئ بتنازل عن النقاش وبنسحب منة

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
بتقبل الموقف عادى جدا لانة الموضوع كان مناقشة ومن المعروف عن المناقشة انها عرض لوجهات النظر وممكن تكون وجهة نظرى خطا واللى اامامى صح وقتها مش بغضب بالعكس
انا بقول فى نفسى انى طلعت براى من المناقشة

19- لو تفاجئت بخيانه شخص عزيز ايا كان كيف تتصرف معه؟
هسامحة بس لو صعب انى اتحمل موقف الخيانة دة ممكن انى ازعل منة

20- لو طلب منك تولي منصب الوزير من تختار من الوزارات وماهي قراراتك؟
رغم انى ضد ان المرأة تمسك اى منصب قيادى
بس ممكن انى اختار وزارة التعليم العالى واول قرار هصدرة هو قرار الغاء التوزيع الجغرافى اللى جننى دة

21- انت من مدينة تحبها وتعشقها بكل ما فيها فاذكر مدينتك وعبر عنها بكلمتين فقط؟

من القاهرة (مدينة الزحام) ورغم كل دة بحبها بردو
22- أعضاء تعجبك كتابتهم وقل رئيك بشخصياتهم سوا ايجابيه ام سلبيه؟
والله اسماء انا راجعة المنتدى والاعضاء اللى كنت بحب كتاباتهم مش لقيتهم لكن فى شخص واحد فقط منهم وهو مستر بورسعيدى عن جد مهما قلت عمرى ما هقدر اوفى له حقة حقيقى هو شخصية ممتازة وجديرة بكل الاحترام ومواضيعة رائعة
وكان فى بشمهندس عبد العظيم زيزو كنت باعجب بكتاباته ومواضيعة جدا وهو ايضا شخصية محترمة جداا
وكذلك مهرة اعضااااء كتير اوى اسماء فى المنتدى بحييهم على كتابتهم

شكرا سمسمة على موضوعك