[طالبة المعالى]

المشاركة الأصلية كتبت بواسطة habiba hamdy

انا مع وضد

فى نفس الوقت وذاته
يعنى المراة لو متزوجة اعتقد انها مش هتقدر توافق بين حياتها المهنية
وحياتها الزوجية
وغالبا هيكون فى تقصير فى احدهم والتقصير الاكبر هيكون على بيتها
على اساس انها عايزة تعلى مستواها المهنى والمادى وتثبت ذاتها والكلام الفاشل ده
والاطفال مش مشكله ما هى ماما موجوده
بجد بتعصب جدا من الناس دول
هى تجيب بيبهات وماما تربى

لكنى برده مع عمل المرأة
لكن اذا كانت لسة مش متزوجة او اولادها كبروا ويقدروا يعتمدوا على نفسهم
او ان جوزها مات
على اساس ان فى بعض الاعمال بتكون محتاجة للمرأة
يعنى مثلا لو طبيبة المفروض ان المرأة فى حاجة للطبيبة بدل من الطبيب
وكذلك مدرسة
يعنى مش كل الوظائف المرأة تصلح ليها
يعنى لو مثلا لو المرأة مستواها المادى كويس ليه تشتغل
المفروض تسيب فرصة للشباب اللى مرمى ده
عمال يعاكس فى اللى رايح واللى جاى
مش عارفه ليه حاسه
ان لو كل ست بتشتغل وهى مش فى حاجة للشغل ده قعدت فى بيتها
واهتمت بيه
وان الشغل ده الشاب يقدر يقوم بيه
حاسه اننا هنحل مشاكل كتير اوى
واولهم البطاله والعنوسة ومشكلة الاخلاق اللى اصبحت منعدمة عند كتير ناس
يعنى نرجع للتربية السليمة
والحياة هتبقى فله

دى وجهة نظرى
مقتنعة بيها جدا
وممكن تكون وجهة نظرى غلط و يكون فى ستات بيقدروا يوازنوا بين حياتهم المهنية والزوجية
لكنى اشك فى ذلك

اسفه عالاطالة
تقبل مرورى

الرأى دا سليم 100%