[:: [ K A B B O W ] ::]

لحظى النحس .. لجنتنا فيها 7 علمى و 10 أدبى

و ما شاء الله رجالة أدبى خاربنها .. بس الحمد لله لجنتنا مرزقة بمراقبين محترمين و بيمسكوا اللجنة كويس

لجنتى محصلش فيها غش غير تلات مرات و بسبب رجالة أدبى

مرة كانت سبهلله بمعنى الكلمة و المرتين التانيين كانوا على استحياء يعنى

و كل المرات دى حصلت علشان المراقبين خايفين ....!!!

بس الحمد لله احنا عارفين بتوع ادبى اللى معانا كويس

و لما بنلاقى صوتهم بيعلى و مش بيخلينا نركز ... بيحترموا نفسهم و يغشوا بالراحة علشان نركز

و من رأيي أن أحسن حاجه حصلت السنة دى أن الأمتحانات صعبة و طويلة

لأنها أن كانت سهلة أو صعبة و قصيره كان الطلاب كلهم بقوا أوائل جمهورية بسبب الغش اللى موجود السنة دى

و بجد ربنا يبارك للمراقبين المحترمين دول و يعطيهم كل خير