بصي ، انا لسة في 3 ثانوي ، علمي علوم ...
بس هنصحك كدا نصيحة من خلال خبرتي اللي عشتها السنتين اللي فاتوا دول ...
اعتمدي ع كتاب المدرسة في الادب في العربي بنسبة 100% ، و ابدأي ذاكري الادب من اول يوم في السنة ، و دايما راجعي عليه باستمرار مع نفسك بدون توجيه من حد ...
الادب بصراحة مش صعب ، بس غالبية الطلبة بيهملوه طول السنة و بيجوا يركزوا عليه في الاخر ، فبيسبب لهم مشكلة كبيرة ايام المراجعة ...
لو لاقيتي زيادات في الكتب الخارجية عن الموجود في كتاب المدرسة في الادب ... ارميه .. متوجعيش دماغك به ... عشان الادب بالذات .. اساسي لازم يجي من كتاب المدرسة ..
التعليق ع النصوص ذاكريها اول مرة كويس من كتاب المدرسة و بعدين من اي كتاب او مذكرة هتذاكري منها بعد كدا ... عشان متسبيش حاجة جت في كتاب المدرسة في التعليق بالذات ...
القراءة ، جمعي اسئلتها من امتحانات السنوات السابقة ، دا اساسي اللي هيجيلك في الامتحان ان شاء الله ...
قصة وااسلاماه ، اجتهدي انك تقريها دايما من كتاب القصة نفسه عشان تثبتي في دماغك تسلسل الاحداث عشان دا مهم جدا ... و اعتبريها زي ميكي جيب او اي قصة مسلية ، اقريها من وقت للتاني ، كل ما تلاقي نفسك فاضية
النصوص ، مش هوصيكي ع مظاهر الجمال و التعليق و النقد الادبي .. و ركزي ع المآخذ اللي اخذها النقاد ع الكاتب او الشاعر .. و كمان اغراض الاساليب الانشائية ...
و متنسيش طبعا تقزقزي المعاني ... ههههه عشان دي اللي بتلغبط في الاختيارات
النحو و البلاغة و التعبير ، هم الفيصل بين معظم الطلبة في النتيجة في الاخر ... عشان باقي الفروع ، غالبية الطلبة بيقفلوها ...
هتلاقي هنا في المنتدي مذكرات لهم ... ان شاء الله تفيدك جدا ،
و متنسيش تدربي نفسك عليهم من وقت للتاني باستمرار .
و اطمني ، طالما انت محددة هدفك كدا من البداية خالص ، و عارفة انتي عايزة اية ؟ و لية ؟ . ان شاء الله هتحققي هدفك ، طالما عندك الاصرار و العزيمة .
باذن الله ، اول ما هخلص امتحانات هكتب شوية نصايح بخصوص الاربع مواد الباقيين ،
اه صحيح ، معرفتش ، انتي معاك كيميا و لا احياء في تانية ؟
|