أخى صاحب الموضوع الأصلى ..وجميع الزملاء الكرام ..السلام عليكم ورحمة الله
أولا :أعلم تمام العلم أن المعلم لو عمل بأى عمل تانى غير مهنتة الأصلية هذا ينقص من قدره أولا امام تلاميذه..ثانيا أمام نفسه
وثانيا هيقلل من مستواه العلمى حيث لا مكان لمعرفة كل ما هو جديد فى مجال علمه أو مراجعة ما يقوم بتدريسة او تحضيرة .
ثانيا :لماذا كل مستويات المعلمين فى اى بلد مرتفع ما عدا مصر ...أليس هذا يجرك إلى سوال كبير ...هو احنا مش زى باقى البشر دى وألا من كوكب تانى؟ ...هتقولى ظروف البلد ....أقولك :أشمعنا ظروف البلد جات عند المعلم ووقفت بقا فهمنى.
العاملين فى البترول والكهرباء وغيرها من الهيئات الحكومية يعيشون فى مستوى أعلى من المدرس بكتير بالرغم أغلبهم اشتغل برشوة أو بواسطة ..وربما ليس معه شهادة ...أليس هذا بظلم ..
ثالثا :أشمعنا المعلم اللى يشتغل ويفكر بمهنة تانى ..عمرك شوفت مهندس وألا طبيب بيشتغل بعد عمله !!!!!!!!
*وبعدين الناس العباقرة اللى بتفكر كل شوية فى تدنى مستوى التعليم فى مصر وتغير المناهج اللى قرفونا بيها مما يكلف ملايين ...مش فاهمين إن السبب الأول والأخير تدنى المستوى المعيشى للمعلم .......فمستوى المعلم المعيشى ومستوى العملية التعليمية وجهان لعمله واحده ....معلش مستعجل عندى مشوار ضرورى كان نفسى أتكلم بالتفصيل
وإن شاء الله لما أرجع نكمل...
السلام عليكم
|