الشاهد هنا ان بنقول ان الشرع سامح فى غفلة تطرأ
لأن حضور القلب امر متمكن فى بعد مراحل
فى خلال هذة المراحل يسامح
يعنى مش بنقول دلوقت لو مش مركز متصليش لا صلى وجاهد وقاوم
واطلع من الصلاه بخمسين فى المية
وبكرة ستين فى المية
وبعد اسبوع سبعين فى المية
وبعد شهر خمسة وسبعين فى المية
وبعد ست شهور تمنين فى المية
وهكذا وحدة وحدة مفيش مانع
لكن
متسبش نفسك كدة بتأدى الصلاه نقر وخلاص
ازاى حضور القلب؟
حضور القلب معناه ان يفرغ القلب من غير ماهو ملابس له
فاهم؟
طب صلى على النبى
احنا عايزين ياجماعه يبقى دة شعار فى حياتنا
احفظ الكلمتين دول
تفريغ القلب من غير ماهو ملابس له
وانا باكل خلى دماغى فى الاكل
وانا بشرب خلى دماغى فى الشرب
وانا نايم خلى دماغى فى النوم
وانا بصلى
كل دماغى فى الصلاه
وانا بقرأ القرأن كل دماغى فى اللى انا بقرأه
وانا بتكلم مع حد كل دماغى مع اللى انا بكلمة
اللى انا بقوله واللى انا بسمعه
خلى دة مبدأفى حياتك
تفريغ القلب من غير ماهو ملابس له
اللى انا فية ابقى فية بكل قلبى وعقلى ومشاعرى
الامر دة ياجماعه بردة يحصل بالتمرين بالرياضة بالمعاناة
عايز ابقى فى كل حاجة متميز لية؟
لما يحصل ان فى الحاجة الله انا فيها ابقى فيها بس
فتيجى معايا الصلاه وانا فى الصلاه تبقى دماغى فى اية فى الصلاه
والبيت والعربية والعيال والجيران
انت بتفكر فى دة لية
انا عاوز كل تفكيرك فى اللى انت فية
اروض قلبى ومشاعرى انها تركز
احيانا تتعلم من القطة
ازاى لما تشوف فار تركز كدة وبعدين تهجم تقتنصة
التركيز دة انك تبقى مركز تركيز شديد جدا
التركيز الشديد دة
فى البداية يعمل ارهاق ذهنى
هتبقى فعلا تعبان من التركيز
لكن بعد التدريب والاستمرار يبقى متعه عقلية
كل دماغك مستمتع باللى انت فية فىهذة اللحظة
الشيخ بيقول
وسبب ذلك الهمة فانه متى اهمك امرا حضر قلبك ضرورة فلا علاج لاحضلرة الا صرف الهمة الا الصلاه
كلام زى الفل يحتاج بس التطبيق العملى
يحتاج بس ن انتى وزوجك واختك ووالدتك
وانت ايوة انت تكلم فى الامر دة مع اخوك وابوك وصاحبك
ان يبقى همك
هو الواحد يركز ازاى
يعنى اية ان الصلاه تبقى همة
طب تيجى نصلى ركعتين كل واحد يصلى ركعتين احنا جمب بعض
نتفق انا بدأت اسرح امتة
وبعد الصلاه ها
يقولك اة انا بدأت اسرح فى الركوع
تصدقك انا سرحت وانا واقف بس جبتها تانى
بس سرحت تانى وانا ساجد وجبتها تانى
وسرحت لما قمت وجبتها تانى
نكلم فى الموضوع
يبقى الموضوع دة هم عندنا
ازاى نعملها ازاى نظبطها
انصراف الهمة يقوى ويضعف بحسب قوة الايمان واحتقار الدنيا
فمتى رأيت قلبك لايحضر فى الصلاه
فاعلم ان سببة ضعف الايمان
كشف مستعجل
انت عارف ان الذنوب تودى جهنم ومع ذلك بتذنب
وعارف ان الطاعات تودى الجنة ومع ذلك مش بتطيع
عارف ان الصحبة دى هى اللى مضيعاك ومع ذلك مصر عليها
عايزين دكتور يشخص انت عندك اية
التشخيص الصحيح هنا
مش ضعف الايمان
لالالالا لا
ضعف الاراده
ضعف عضله القلب
مقصدش بعضله القلب اللى هو الاذنين والبطينين وكدة
لا
انا اقصد العضله الايمانية اللى هى الاراده
معندوش ارادة قوية تثبتة
هى دى
طب نقوى الارادة دى ازاى؟
بتستمد قوتك من الله
انك تعرف انك هتموت
والله لتموت
وحيات ربنا هتموت
وتدفن لوحدك
بالكفن تلات اثواب
ان كل من فى السماوات والارض الا اتى الرحمن عبدا
لقد احصاهم وعدهم عدا
وكلهم اتية يوم القيامة فردا
الايمان دة بأنك هتموت وتبعث
وتعرض على ربنا ويحاسبك يقوى الارادة
ارادة الخير
هى دى المعنى الاول لحضور القلب ان يكون هذا الامر همك
قاعد تكلم فية مع دة ودة تفكر فية
الاستعانة بالله عشان يقوى ارادتك
الايمان بالاخرة والتركيز فيها علشان دة يدفعك دفع ويقوى همتك
رزقنا الله واياكم الصدق والاخلاص فى القول والعمل
وجعل الصلاه لنا قره عين
ولا تنسونا من خالص دعائكم