اقتباس:
المشاركة الأصلية كتبت بواسطة هويدااحمد76
انا مواطنة مصرية بحب مصر جدا ونفسى بلدى تتغير للاحسن
ولكنى زعلانة من الحكومة
1- والله العظيم مش لاقيين انابيب بوتاجاز الانبوبة عندنا وصلت 50 و60 جنيه ومش لاقيينها قولولى نعمل ايه
هيه دى مش بلدنا ومن حقنا عليها توفير الخدمات الاساسية ومش هقول الترفيهية
ما كنتش ان الانابيب شيئ مهم فى حياتنا نبدأ الصبح ما فيش طعمية لان ما فيش انابيب وما فيش عيش وما فيش..............لنفس السبب
2- والله المية عندنا قاطعة من امبارح ومش لاقيين مية
3- السولار ما فيش سولار والمواصلات غليت ومش لاقيين نروح شغلنا
انتى فين يا حكومة يا ترى انا ببالغ والا المشكلة دى عند الكل ارجوكم افيدونا وكيف نوصل صوتنا للمسؤلين
|
انا سمعت المشاكل دى فعلا من ناس كتير
ويقال ان الكل بيعانى منها
بس فعلا حرام فين الحكومه لما الانبوبه 50 و 60
وكمان مافيش سولار
والميه مقطوعه
لا حول ولا قوه الا بالله
بس بصراحه عندنا فى اسكندريه مافيش كده
الحياه ماشيه عادى وفى ميه وسولار وكمان الانبوبه مش غاليـــــــــــــــــــــــــــــه اوى كده
بس ياريت تقدروا توصلو صوتكم بسرعه
علشان كده مش حينفع
وربنـــــــا يكون فى عونكم