[bebo_93]

المشاركة الأصلية كتبت بواسطة zalabawy

هههههههههههههههه مع احترامي ليك
الزمالك بطل القرن الحقيقي من الفيفا وبالأدله ولو تعرف تثبت ان الفيفا قالت غير كده اثبت وهعرفك كمان حكاية الاهلي بطل القرن دي جت ازاي بس لو لنا بقيه ممكن بعد امتحاناتي
.
.
.

الفيفا هو اللى قالك كده
وصدقته

انا هثبتهالك حالا اهو

اولا)
الفيفا قال ان الاهلى بطل القرن الافريقى تصحيحا لمعلومتك الخاطئه

ثانيا)
الفيفا هيكرم النادى الاهلى فى اسبانيا كافضل نادى فى قاره افريقيا كمان يومين
اضف لمعلوماتك انهم اختاروا الاهلى للتكريم لانه المركز الاول افريقيا برصيد 1201
يليه الترجى التونسى وخد بالك اوى
برصيد 1050
يااااااااااااااه تخيل بقى فين الزمالك من كل ده الفرق 150 عن الترجى التونسى كمان يعنى الفرق عن الزمالك اكبر

ثالثا) ادخل على موقع المركز الدولى للتاريخ والاحصاء وده طبعا يتبع الفيفا يعنى كلامه موثق وشوف ترتيب الاهلى وترتيب الزمالك على مستوى انديه العالم كله
الاهلى المركز 76 برصيد 134 نقطه
الزمالك المركز 337 برصيد 78 نقطه

لالالالالالالا متقنعنيش بردو ان الفرق الكبير ده من يوم وليله
وعلى فكره ده محدث بتارخ 1/5/2011

رابعا) النادي الأهلي قد تم اختياره كنادي القرن العشرين على مستوى قارة أفريقيا وتسلم تلك الجائزة الكابتن صالح سليم في احتفال كبير أقامه الإتحاد الأفريقي

خامسا) شوف الجدول بتاع حساب نقط البطولات والتأهل من موقع الكاف او من الفيفا ( اللى ثبتتلك ان الزمالك هو بطل القرن )

ملاحظه هامه :-
فى نظام احتساب نقاط جديده بدايه من 2000
والزمالك مخدش بطولات افريقيه من اول سنه 2000 الا بطوله دورى ابطال وبطوله سوبر افريقى
وده هيفرق كتير فى النقط طبعا لان الاهلى من 2000
خد 3 دورى ابطال
و 3 سوبر افريقى
ومتنساش تالت العالم فى اليابان

ركز معايا قربت اخلص اهو

جمع كده الخمس حاجات دول مع بعض وكل واحده منهم قارن فيها بين الفريقين وشوف مين دايما متصدر عن التانى فى كل التصنيفات

مش معقول يعنى بالعقل كده فريق متصدر فى كل التصنيفات وفارق فى النقط
والتانى هو اللى يكون بطل القرن

اخيرا / لما تيجى تقارن بينهم فكر بعقلك وشوف بحياديه عشان تشوف الحقيقه الواقعيه
مش الحقيقه اللى انت عايز تشوفها

* ملحوظه اخيره

انا مش هعترف بورقه جرنال ولا وعلم اليوم السابع ولا قالنا مصدر موثوق منه ان الزمالك بطل القرن

انا اعترف بكلام الفيفا واللى هى كاتباه

اليوم السابع مثلا يعنى ولا اى مصدر كان
مستحيل هيكون اصدق من الفيفا ولا عندك شك فكده ؟؟؟

كفايه
سلام