بتحصلى كتيييير جدا بجد وعلى فكرة من قبل 15 سنة بكتير .. انا فاكرة مرة حصلتلى وانا عندى 9 سنين فكراها اوى لانى ساعتها استغربت جدا لانى سألت ماما اذا كان الموقف دة حصل قبل كدة بالظبط وانا بكل ثقة فكراها هتقوللى ايوة ..
الموقف للتوضيح كانت مشكلة وخناقة وانا وماما شفناها عند حد من قرايبنا لما سألتها الخناقة دى حصلت قبل كدة قالت لاء .. اتصدمت لانى حسيت بنفس تفاصيلها انى عرفاها لدرجة كنت عارفة ان الراجل هيقلب طبق البسكوت قبل ما يقلبه ودة امر غير متوقع
وبعدها حصلتلى كتير المشكلة ان الموقف لما بيحصل بيرتبط معايا باحساس معين يعنى انا بقول الموقف دة حصل قبل كدة وانا ساعتها كنت حاسة بالاحساس دة وأعتقد دة النوع اللى هو: Deja senti
انا كنت فاكرة انى مجنونة وانا بس اللى بحس بكدة
لكن الحالة Deja visite حصلتلى مرة واحدة بس فى بلدى دة على العلم انى مدهولة ومش بحفظ الطرق بس انا قررت امشى من مكان معين للدرس لاول مرة باى لك بس لقيت نفسى عرفت امشى ازاى لوحدى بالظبط يعنى انا بصيت للشارع عرفت انى مفروض ادخل منه رغم ان فيه كتير شبهه .. والغريبة انى بكل الثقة بقى وفرحانة بنفسى المرة اللى بعديها قلت امشى من نفس المكان باحساسى وهعرف اروح روحت تهت
هههههههه بس انا اعتقد ان دى باى تشانس لانها غريبة شوية
بجد التوبيك عجبنى كتير اوى شكرا
جزاكم الله خيرا