الكتاب ده معايا منه نسخة قديمة من أيامنا
بس هل الكتاب ده حلو لدرجة الناس تستناه ؟!
هو حلو بس مش للدرجة ده أكيد
حضرتك مستنياه عشان ميزة معينة فيه ؟
يمكن أفيد
بالمناسبة كان الانجليزى عندنا يوم واحد و مفيش كتاب ألحق أخلصه إلا الانجليزى فى أسبوع
و للأسف و لا حاجة منه جات ههههه اتروقت يعنى بمعنى الكلمة
و جدير بالذكر الكتاب بيبقى مقسم حسب الشباتر و ثقل المعلومات و بيحط وقت محدد لكل حاجة
التعريفات ليها وقت و كام مسألة صغيرين و غالبًا تافهين ليهم وقت
حقيقة الفيزياء متقسمة 6 أيام مش سبعة
اليوم السابع مراجعة مكونة من مراجعة فيم يستخدم كل من؟ ،الأساس العلمى ، الكميات الفيزيائية وحداتها و ما يكافئها
و اربع امتحانات اتنين من المؤلف و اتنين مصر و السودان
اليوم الأول 6 ساعات الوحدة الأولى
اليوم التانى 4 ساعات الوحدة التانية
اليوم التالت الحرارة 6 ساعات الحرارة
اليوم الرابع 4 ساعات التاسع و العاشر
اليوم الخامس4ساعات ال 11
اليوم السادس 8 ساعات الحديثة
أحلى ما فى الكتاب إنه مقسم الفيزياء بطريقة لذيذة حسب الضغط على الدماغ
مش حسب الوقت و لا الكمية زى أى جدول
و طبعًا فيه حجات اتلغت من المنهج فالمفترض تتعاد التقسيمة بطريقة المنهج الجديد
ممكن ده يكون سبب التأخير
و احتمال ما ينزلش أو ينزل زى ما هو على أساس إن فيه طبعات مطبوعة أصلاً
ناخد تشريح لباب و ليكن ال 12
ساعة
32 تعريف ( التعريفات هنا مش بمعنى عرف لأ بيحاول يحط جزئيات نظرى فى النص عشان تفهم )
أهم القوانين
الرسومات البيانية
مقارنات
العوامل التى يتوقف عليها
استنتاج أهم القوانين
التجارب
الرسومات
ثانيا أسئلة مجاب عنها (ساعة)
الأسئلة فى الكتاب ده دايمًا على اليمين و إجابتها فى الصفحة اللى على الشمال
اختر
المقصود
علل
قارن
مفهوم علمى
ماذا يحدث لو
اسئلة متنوعة
مسائل(و فيها مسئلة بيانى)
و بس كده
و الكتاب ده كعادة المعلم منظم جدًا و أنيق برونق خاص
بس مش زى تنظيم كتاب الامتحان اللى يخنق ده تحس الامتحان ده أسئلة متبرمجة من كمبيوتر
و آسف على الرد الطويل ده بس عشان أوضح الكتاب نظامه ايه
و السلام عليكم و رحمة الله و بركاته
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|